துறைமுக நகர திட்டத்திற்கு இணையாக கொழும்பு கோட்டை பகுதியில் மேலும் 200 ஏக்கர் நிலத்தை வெளிநாடுகளுக்கு விற்க அரசாங்கம் திட்டமிட்டுள்ளது என்று ஐக்கிய மக்கள் சக்தியின் குருநாகல் மாவட்ட நாடாளுமன்ற உறுப்பினர் ஜே.சி.அலவத்துவல குற்றம் சாட்டினார்.
இதற்காக ஏற்கனவே ஒரு அமைச்சரவை பத்திரம் சமர்ப்பிக்கப்பட்டு, ஒப்புதல் அளிக்கப்பட்டுள்ளது என்றும் அவர் கூறுகிறார்.
அமைச்சரவை அறிக்கையின்படி,கொழும்பு வெளிவிவகார அமைச்சகத்திற்காக வடிவமைக்கப்பட்ட நிலம் கஃபூர் கட்டிடம் அமைந்துள்ள நிலம், கிராண்ட் ஓரியண்டல் ஹோட்டலுடன் நிலம், தாமரை கோபுரத்திற்கு அருகிலுள்ள மத்திய தபால் அலுவலகம் நிலம், ஹில்டன் ஹோட்டல் மற்றும் விளையாட்டு வளாகம் அமைந்துள்ள நிலம் என்பன விற்கப்படவுள்ளதாக தெரிவித்தார்.
நாட்டையும் தேசத்தையும் பற்றி பேசி ஆட்சிக்கு வந்த அரசாங்கம், இப்போது வேறு விதமாக செயல்பட்டு வருவதாகவும், அரசாங்கம் எல்லாவற்றையும் விற்கிறது என்றும் அவர் கூறினார்.
