அமெரிக்காவின் விஸ்கான்சின் மாநிலத்தில் இடம்பெற்ற சிறிய விமான விபத்தில் குழந்தை உட்பட ஆறு பேர் உயிரிழந்துள்ளனர்.
உள்ளூர் நேரப்படி செவ்வாய்க்கிழமை இரவு 9.31 மணியளவில், மாடிசன் நகரிலிருந்து சுமார் 64 கிலோமீற்றர் தொலைவில் அமைந்துள்ள டெல்லோனா பகுதியில் இந்த விபத்து இடம்பெற்றுள்ளது.
உயிரிழந்தவர்களில் ஐந்து பெரியவர்களும் ஒரு குழந்தையும் அடங்குவதாக சாக் கவுண்டி ஷெரிப் அலுவலகம் தெரிவித்துள்ளது. உயிரிழந்தவர்களின் அடையாளங்கள் உடனடியாக வெளியிடப்படவில்லை.
விபத்தினால் தரையில் இருந்தவர்களுக்கு காயங்களோ, கட்டடங்களுக்கு சேதங்களோ ஏற்பட்டதாக ஆரம்பகட்ட தகவல்கள் இல்லை. விபத்துக்கான காரணத்தைக் கண்டறிய அமெரிக்காவின் மத்திய விமானப் போக்குவரத்து நிர்வாகமும் தேசிய போக்குவரத்து பாதுகாப்பு வாரியமும் விசாரணைக்கு உதவவுள்ளன.
