முன்னாள் அமைச்சரின் தனிப்பட்ட செயலாளர் கைது!

Date:

8.1 மில்லியன் ரூபாய் இலஞ்சம் பெற்றதாகக் கூறப்படும் குற்றச்சாட்டின் பேரில், ஊவா மாகாண சபையின் அபிவிருத்தி அதிகாரி ஒருவரை இலஞ்ச ஒழிப்பு ஆணைக்குழு நேற்று கைது செய்தது. இவர், ஆரம்பக் கைத்தொழில் துறை முன்னாள் இராஜாங்க அமைச்சர் சமர சம்பத் தஸநாயக்கவின் தனிப்பட்ட செயலாளராகப் பணியாற்றியவர் ஆவார்.

இலஞ்ச ஒழிப்பு ஆணைக்குழுவின் தகவலின்படி, நேற்று மாலை மேற்கொள்ளப்பட்ட இந்த கைது நடவடிக்கையானது, முறையான நடைமுறைகளுக்குப் புறம்பாகத் தேர்ந்தெடுக்கப்பட்ட மூன்று நிறுவனங்களுக்கு மாத்திரம் பொஸ்பேட்  ஏற்றுமதி செய்வதற்கான வாய்ப்பை சந்தேகநபர் ஏற்படுத்திக் கொடுத்தார் என்ற குற்றச்சாட்டுடன் தொடர்புடையதாகும்.

தேவையான ஏற்றுமதி அனுமதிகளைப் பெற்றுக்கொள்வதற்கு உதவியதற்காக, குறித்த நிறுவனங்களிடமிருந்து சந்தேகநபர் இலஞ்சப் பணத்தைக் கோரிப் பெற்றதாக லஞ்ச ஒழிப்பு ஆணைக்குழு குற்றம் சாட்டுகிறது.

மேலதிக சட்ட நடவடிக்கைகளுக்காக சந்தேகநபர் பதுளை நீதவான் நீதிமன்றத்தில் முன்னிலைப்படுத்தப்படவுள்ளார்.

spot_imgspot_img

More like this
Related

இலங்கையில் சீன சைபர் மோசடிக் கும்பல்களை விசாரிக்க அமெரிக்க FBI குழு வருகை!

இலங்கையில் தங்கியிருந்து சீனப் பிரஜைகளால் நடத்தப்படும் சைபர் மோசடி மையங்கள் தொடர்பான...

கொழும்பில் அபாயகரமான நிலையை எட்டிய காற்று மாசுபாடு! AQI 178 ஆக உயர்வு

கொழும்பில் நேற்று (நவம்பர் 17) காலை காற்று மாசுபாட்டின் அளவு ஆரோக்கியத்திற்கு...
spot_imgspot_img
spot_imgspot_img

பரபரப்பான செய்திகள்