இப்போதுதான் எங்களால் மீண்டும் சுவாசிக்க முடிகிறது: ஜோர்ஜ் ஃப்ளொய்ட் சகோதரர் உருக்கம்!

Date:

இப்போதுதான் எங்களால் மீண்டும் சுவாசிக்க முடிகிறது என உருக்கமாகக் கூறியுள்ளார் ஜோர்ஜ் ஃப்ளொய்டின் சகோதரர் உருக்கமாகத் தெரிவித்துள்ளார்.

ஆபிரிக்க அமெரிக்க இளைஞரான ஜோர்ஜ் ஃப்ளொய்ட் கொலை வழக்கில் காவல் அதிகாரி டெரக் சாவின் குற்றவாளி என மினிபொலிஸ் நீதிமன்றம் நேற்று தீர்ப்பளித்துள்ளது.

இந்தத் தீர்ப்பு குறித்து ஜோர்ஜின் இளைய சகோதரர் ஃபிளோனிஸ் ஃப்ளொய்ட் கூறியதாவது:

இன்று நாங்கள் அனைவரும் மீண்டும் சுவாசிக்கிறோம். ஜோர்ஜூக்கான விடுதலை எங்கள் அனைவருக்கும் கிடைத்திருக்கும் விடுதலை. இந்த வெற்றி மனிதநேயத்துக்குக் கிடைத்த வெற்றி. அநீதியை நீதி வென்றுள்ளது. ஒழுக்கமின்மையை ஒழுக்க நெறிகள் வென்றுள்ளது. என் சகோதருக்கு நீதி கிடைக்க வேண்டும் என நினைத்தேன். அவர், வெறும் டி ஷேர்ட்களில் இருக்கும் புகைப்படமாக இருந்துவிடக்கூடாது என நினைத்தேன். இன்று நாங்கள் மீண்டும் சுவாசிக்கிறோம்.

இவ்வாறு அவர் தெரிவித்தார்.

கடந்த ஆண்டு மே மாதம், அமெரிக்காவில் கறுப்பின இளைஞரான ஜோர்ஜ் ஃப்ளொய்ட் படுகொலை செய்யப்பட்டார். பலரும் பார்க்கும் வண்ணம் காவலர்களாலேயே அந்தப் படுகொலை அரங்கேற்றப்பட்டது. வெள்ளை இன காவல் அதிகாரியான டெரக் சாவில் ஃப்ளொய்டின் கழுத்தில் காலை வைத்து அழுத்திய காட்சி வெளியாகி அதிர்வலைகளை ஏற்படுத்தியது. சரியாக 9 நிமிடங்கள் ஃப்ளாய்டின் கழுத்தில் தனது காலை வைத்து டெரக் சாவின் அழுத்தியது வீடியோவில் பதிவாகியிருந்தது.

என்னால் மூச்சுவிட முடியவில்லை என ஃப்ளொய்ட் திணறிக் கொண்டு பேசியது உலகம் முழுவதும் ஒலித்தது. இனவெறிக் கொலை என தெள்ளத்தெளிவாகத் தென்பட்ட அந்தச் சம்பவம் தொடர்பாக வழக்கு தொடரப்பட்டது.

இந்நிலையில், இந்த வழக்கில் காவல் அதிகாரி டெரக் சாவின் குற்றவாளி என நீதிமன்றம் தீர்ப்பளித்துள்ளது. மின்னிபொலிஸ் நீதிமன்றம் இந்த பரபரப்புத் தீர்ப்பை வழங்கியது.

இந்தத் தீர்ப்பு கறுப்பின மக்களால் கொண்டாடப்பட்டு வருகிறது.

spot_imgspot_img

More like this
Related

அக்குவான் புயல் தீவிரம் – மீனவர்கள் மற்றும் கடற்படையினருக்கு எச்சரிக்கை!

வங்காள விரிகுடாவின் தெற்குப் பகுதி மற்றும் அதனை அண்மித்த மேற்கு-மத்திய வங்காள...

‘ஐஸ்’ போதைப்பொருளுடன் இரு இளைஞர்கள் கைது

கடற்கரைப் பகுதியில் முன்னெடுக்கப்பட்ட விசேட சுற்றிவளைப்பின் போது, 10 கிராம் 'ஐஸ்'...

மட்டக்களப்பு அம்பிளாந்துறையில் சட்டவிரோதமாக தங்கியிருந்த மலேசியா நாட்டு பெண் ஒருவர் கைது

மட்டக்களப்பு அம்பிளாந்துறை பிரதேசத்தில் வீடு ஒன்றில் சட்டவிரோதமாக தங்கியிருந்த மலேசியா பிரஜையான...
spot_imgspot_img
spot_imgspot_img

பரபரப்பான செய்திகள்