இரவு விடுதியின் கழிப்பறைக்குள் கசமுசாவில் ஈடுபடுவதற்கு இடையூறாக வந்த துப்புரவுத் தொழிலாளியைத் தாக்கிய நபருக்கு நீதிமன்றத்தில் தண்டனை விதிக்கப்பட்டுள்ளது.
28 வயதான முன்னாள் ,ராணுவ தொழில்நுட்ப வல்லுநர் பில்லி டீன் ஃபாலோன், ஜனவரி 20 அன்று குயின்ஸ்லாந்தில் உள்ள பர்லீ ஹெட்ஸில் உள்ள நைட்ஜார் இரவு விடுதியில் பெண் ஊனமுற்றோர் கழிப்பறையிலிருந்து வெளியே வந்து துப்புரவுத் தொழிலாளியைத் தாக்கிய சம்பவம் சிசிடிவியில் பதிவாகியுள்ளது.
ஃபாலோன் வெளியே வந்து தாக்குதலில் ஈடுபடுவதற்கு முன்பு துப்புரவுத் தொழிலாளி பல நிமிடங்கள் கதவைத் தட்டினார்.
சவுத்போர்ட் மாஜிஸ்திரேட் நீதிமன்றத்தில் திங்களன்று உடல் உபாதைகளை ஏற்படுத்திய தாக்குதலை ஃபாலன் ஒப்புக்கொண்டார்.
சில நிமிடங்கள் கழிவறைக் கதவைத் தட்டிக் கொண்டிருந்த துப்புரவாளர் மீது ஃபாலன் சரமாரியாக குத்தியதையும், தொழிலாளி கீழே விழுந்த பின்னரும் தாக்குவதையும் நீதிமன்றத்தில் ஒளிபரப்பிய சிசிடிவி காட்டுகிறது.
பச்சை நிற ஆடை அணிந்த பெண் பின்னர் கழிப்பறையிலிருந்து வெளியேறுவதைக் காணலாம்.
அந்தப் பெண்ணும், ஃபாலோனும் கழிக்கறைக்குள் “ஒரு நெருக்கமான சந்திப்பின் மத்தியில்” இருந்ததாக நீதிமன்றத்தில் தெரிவிக்கப்பட்டது.
“அவர் அங்கு தனது கூட்டாளருடன் நெருக்கமாக இருந்தார் … யாரோ ஒருவர் கதவைத் தட்டத் தொடங்கியபோது அவர்கள் நெருக்கமாக இருந்தார்கள்” என்று பாதுகாப்பு வழக்கறிஞர் அங்கஸ் எட்வர்ட்ஸ் கூறினார்.
“அவர் மனக்கிளர்ச்சியுடன் செயல்பட்டார், அவர் பாதுகாப்பாக செயல்பட்டார், மேலும் அவர் தன்னையும் தனது கூட்டாளரையும் பாதுகாப்பதாக நினைத்தார்.”
துப்புரவுத் தொழிலாளி மூக்கு உடைந்த நிலையில் கிடந்தார்.
ஃபாலோனுக்கு ஒரு வருடம் சிறைத்தண்டனை விதிக்கப்பட்டது, ஆனால் உடனடியாக பரோல் வழங்கப்பட்டது. அவர் பாதிக்கப்பட்டவருக்கு 1500 டொலர் வழங்க உத்தரவிடப்பட்டது.
