வாகன இறக்குமதியைப் பொறுத்தவரை, 2025 ஆம் ஆண்டு நாட்டின் வரலாற்றில் மூன்றாவது மிக உயர்ந்த ஆண்டாக இருக்கும் என்று இலங்கை மத்திய வங்கி தெரிவித்துள்ளது. 2025 ஆம் ஆண்டில் வெளிநாடுகளிலிருந்து வாகனங்களை இறக்குமதி செய்வதற்காக 2.04 பில்லியன் அமெரிக்க டொலர் செலவிடப்பட்டது.
இலங்கை மத்திய வங்கியால் வெளியிடப்பட்ட 2025 ஆம் ஆண்டுக்கான வருடாந்திர பொருளாதார ஆய்வறிக்கையின்படி, வாகன இறக்குமதிச் செலவினம் வரலாற்றில் மூன்றாவது மிக உயர்ந்த அளவை எட்டியுள்ளது.
கார் இறக்குமதி மீதான கட்டுப்பாடுகள் படிப்படியாகத் தளர்த்தப்பட்டதன் விளைவாக, தனியார் வாகனங்கள் மீதான அனைத்துக் கட்டுப்பாடுகளும் ஜனவரி 2025-க்குள் நீக்கப்பட்டன.
நீண்டகாலக் கட்டுப்பாடுகளுக்குப் பிறகு ஏற்படக்கூடிய தேவையைக் கட்டுப்படுத்துவதற்காக, அரசாங்கம் பல சுங்கவரி மற்றும் சுங்கவரி அல்லாத கொள்கை நடவடிக்கைகளையும் அறிமுகப்படுத்தியிருந்தது.
இந்த நடவடிக்கைகள் இருந்தபோதிலும், பல ஆண்டுகளாக இருந்த கட்டுப்பாடுகளால் குவிந்த தேவையையும், பொருளாதார நடவடிக்கைகளில் ஏற்பட்ட முன்னேற்றத்தையும் பிரதிபலிக்கும் வகையில், 2025 ஆம் ஆண்டில் வாகன இறக்குமதி கணிசமாக அதிகரித்துள்ளது. குறிப்பாக ஏப்ரல் 2025-க்குப் பிறகு, இறக்குமதியில் குறிப்பிடத்தக்க அதிகரிப்பு ஏற்பட்டுள்ளது. தனியார் மற்றும் வர்த்தக வாகனப் பிரிவுகளின் ஒருங்கிணைந்த வாகன இறக்குமதிச் செலவினம் 2.04 பில்லியன் அமெரிக்க டொலராக உயர்ந்துள்ளது.
