அமெரிக்க-ஈரான் பேச்சுவார்த்தையின் இரண்டாம் சுற்று அடுத்த மூன்று நாட்களுக்குள் நடைபெறக்கூடும் என்று, பெயர் குறிப்பிடப்படாத பாகிஸ்தானிய வட்டாரங்களையும் ஜனாதிபதி டொனால்ட் டிரம்பையும் மேற்கோள் காட்டி நியூயோர்க் போஸ்ட் புதன்கிழமை செய்தி வெளியிட்டது.
“அடுத்த 36 முதல் 72 மணி நேரத்திற்குள் இஸ்லாமாபாத்தில் இரண்டாம் சுற்று எதிர்பார்க்கப்படுகிறது” என்று முதல் சுற்றுப் பேச்சுவார்த்தைக்கு மத்தியஸ்தம் செய்த பாகிஸ்தானிய வட்டாரங்கள் கூறியது குறித்துக் கேட்டபோது, டிரம்ப் குறுஞ்செய்தி மூலம் போஸ்ட்டிடம், “அது சாத்தியம்!” என்று கூறியதாகத் தெரிவிக்கப்பட்டது.
போரில் இரண்டு வார கால போர் நிறுத்தம் முடிவடைய இருந்த நிலையில், டிரம்ப் செவ்வாயன்று அதை நீட்டித்தார். பாகிஸ்தானின் டிஜிட்டல் செய்தி நிறுவனமான நியூஸ் போஸ்ட், கூடுதல் பேச்சுவார்த்தைகளுக்கான மூன்று நாள் காலக்கெடுவை, ஆதாரம் அல்லது கூடுதல் விவரங்கள் ஏதுமின்றி செய்தி வெளியிட்டது.
