ஈரானின் ஆயுதப் படைகளால் சுட்டு வீழ்த்தப்பட்ட தங்களது போர் விமானத்தின் விமானியை மீட்பதற்காக, அமெரிக்கப் படைகள் இன்று அதிகாலை முதல் தேடுதல் வேட்டையில் ஈடுபட்டுள்ளன. இந்த நடவடிக்கையில் பிளாக் ஹாக் ஹெலிகாப்டர்கள் மற்றும் ஒரு சி-130 ஹெர்குலஸ் விமானம் ஈடுபடுத்தப்பட்டன; இருப்பினும், அவர்களின் முயற்சிகள் இதுவரை பலனளிக்கவில்லை.
இந்தச் சம்பவத்தில் அமெரிக்காவிற்கு ஏற்பட்டுள்ள நற்பெயர் பாதிப்பைக் கருத்தில் கொண்டு, மீட்கப்பட்ட விமானியாக மற்றொரு நபர் அடுத்த சில மணிநேரங்களில் அறிமுகப்படுத்தப்பட வாய்ப்புள்ளது என்று ஈரான் கிண்டலாக தெரிவித்துள்ளது.
இன்று, வெள்ளிக்கிழமை முன்னதாக இஸ்லாமியப் புரட்சிக் காவலர் படையால் (IRGC) மேம்பட்ட அமெரிக்கப் போர் விமானம் அழிக்கப்பட்டதைத் தொடர்ந்து, விமானி வெளியேறி நாட்டின் உள்ளே தரையிறங்கினார் என ஈரான் தெரிவித்தது.
ஈரான் காவல்துறை அறிக்கையின்படி, அந்த விமானம் மத்திய ஈரானின் மீது குறிவைக்கப்பட்டதாகவும், கோகிலுயே மற்றும் போயர்-அஹ்மத் மாகாணத்தில் விழுந்திருக்கலாம் என்றும் கருதப்படுகிறது.
அந்த அறிக்கை, விமானி அல்லது விமானிகளைத் தேடும் பணியில் சேருமாறு அப்பகுதி மக்களை வலியுறுத்தியதுடன், எந்தவொரு அமெரிக்க இராணுவ வீரரையும் பிடிப்பதற்குப் பரிசுத்தொகையையும் அறிவித்தது.
மத்திய ஈரானின் வான்வெளியில், IRGC விண்வெளிப் படையின் புதிய மேம்பட்ட பாதுகாப்பு அமைப்பால் இரண்டாவது F-35 போர் விமானம் அழிக்கப்பட்டதாக IRGC வெள்ளிக்கிழமை அறிவித்தது. அழிக்கப்பட்ட அந்தப் போர் விமானம் லக்கன்ஹீத் படைப்பிரிவைச் சேர்ந்தது என்றும் அது கூறியது.
சிதைவடைந்த விமான பாகங்களின் புகைப்படங்களையும் வெளியிட்டது. பிரிட்டனில் நிலைகொண்டுள்ள அமெரிக்க விமானப்படை பிரிவை சேர்ந்த விமானமே சுட்டுவிழுத்தப்பட்டது, சிதைவடைந்த விமான பாகங்களில் உள்ள குறியீட்டு எழுத்துக்களின் மூலம் உறுதியானது.
ஊடுருவிய போர் விமானம் முற்றிலுமாக அழிக்கப்பட்டு நொறுங்கி விழுந்துவிட்டதாக ஐ.ஆர்.ஜி.சி. குறிப்பிட்டது.
