இலங்கை வம்சாவளியைச் சேர்ந்த 25 வயதான ஆதித்தியா ஆனந்தராஜா, பிரான்சின் பாரிஸ் நகரின் புறநகர்ப் பகுதியான பொன்டோ-கொம்பால்ட் நகராட்சியின் பிரதி மேயராக நியமிக்கப்பட்டுள்ளார்.
போரிலிருந்து தப்பி வந்த இலங்கைத் தமிழ் அகதிகளின் மகளான ஆதித்தியா, தனது 19வது வயதில் நகரசபை உறுப்பினராகத் தனது பொதுச் சேவைப் பணியைத் தொடங்கினார்.
அவர் மார்ச் 2026இல் அதிகாரப்பூர்வமாகப் பிரதி மேயராக நியமிக்கப்பட்டு, நகராட்சித் தேர்தல்களைத் தொடர்ந்து மார்ச் 23 அன்று பதவியேற்றார்.
அவரது குடும்பம் யாழ்ப்பாண மாவட்டத்தில் உள்ள ஊர்காவற்துறை பகுதியை பூர்வீகமாகக் கொண்டுள்ளது.
2020 முதல் 2026 வரை இளைஞர்களுக்கான நகராட்சி சபை உறுப்பினராகப் பணியாற்றிய தனது முந்தைய பதவிக் காலத்தில், ஆதித்தியா 11 முதல் 17 வயதுக்குட்பட்ட இளம் குடிமக்களுக்காக “குவார்டியர் ஜியூன்ஸ்” (Quartier Jeunes) திட்டம், சுற்றுச்சூழல் பிரச்சினைகள் மற்றும் மாற்றுத்திறனாளிகளை உள்ளடக்குதல் குறித்த விழிப்புணர்வுப் பட்டறைகள் உள்ளிட்ட பல முன்னெடுப்புகளை வழிநடத்தினார்.
பொன்டால்ட்-கோம்பால்ட் பகுதியில் உள்ளாட்சி நிர்வாகம் மற்றும் சமூக மேம்பாட்டில் அவர் முக்கியப் பங்கு வகிப்பார் என எதிர்பார்க்கப்படுகிறது.
