தேசபந்து தென்னகோனை கையாள்வதை போலவே, தவறு செய்யும் ஏனையவர்களையும் கையாள வேண்டும், ஏனெனில் அவர்கள் குற்றங்களைச் செய்துள்ளனர் என்று எதிர்க்கட்சி நாடாளுமன்ற உறுப்பினர் முஜிபுர் ரஹ்மான் இன்று நாடாளுமன்றத்தில் தெரிவித்தார்.
“ஜனாதிபதியின் செயலாளரின் மனைவி பயணித்த வாகனம் பலரை இடித்து காயப்படுத்தியதாக நாங்கள் கேள்விப்பட்டிருக்கிறோம். ஜனாதிபதியின் செயலாளர் தனது பதவியை ராஜினாமா செய்ய வேண்டும். இருப்பினும், அது நடக்கவில்லை. ஜனாதிபதியின் சில பாதுகாப்பு அதிகாரிகள், அரச தலைவருடன் வெளிநாட்டுப் பயணத்திற்குப் பிறகு திரும்பும்போது மதுபானம் வாங்கியதற்காக இடமாற்றம் செய்யப்பட்டுள்ளனர். இந்த அதிகாரிகள் பணிநீக்கம் செய்யப்பட்டிருக்க வேண்டும். தேசபந்துவை நீங்கள் கையாளும் விதத்தில் இந்த நபர்களையும் நீங்கள் கையாள வேண்டும், ”என்று நாடாளுமன்ற உறுப்பினர் அரசாங்கத்திடம் கூறினார்.
