இன்று (03) காலை புதையல் தோண்டிய சிவில் பாதுகாப்பு அதிகாரி ஒருவரும் அவரது சகோதரரும் கைதுசெய்யப்பட்டுள்ளதாக பொலிஸார் தெரிவித்துள்ளனர்.
வெலிக்கந்த, நாகஸ்தென்ன பகுதியில் புதையல் தோண்டிக் கொண்டிருந்த இருவரையும் பொலிஸார் கைது செய்துள்ளனர்.
வெலிக்கந்த பொலிஸ் நிலையத்திற்குக் கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பின் போது, சந்தேக நபர்கள் புதையல் தோண்ட பயன்படுத்திய உபகரணங்களுடன் கைது செய்யப்பட்டுள்ளனர்.
மேலும், தப்பிச் சென்ற மீதமுள்ள குழுவை கைதுசெய்வதற்கான விசாரணைகள் தீவிரமாக முன்னெடுக்கப்படுவதாகவும், புதையல் தோண்டுவதற்காக பயன்படுத்தப்பட்ட பல உபகரணங்கள் கைப்பற்றப்பட்டுள்ளதையும் பொலிஸார் தெரிவித்துள்ளனர்.
