யாழ்ப்பாணப் பல்கலைக்கழக விரிவுரையாளர் சங்கத்தினரால், பல்கலைக்கழக நிர்வாகத்தின் நடவடிக்கைகளுக்கு எதிர்ப்பு தெரிவித்து பணிப்பகிஷ்கரிப்பு முன்னெடுக்கப்பட்டுள்ளது. இந்தப் பணிப்பகிஷ்கரிப்பு குறித்த பல்கலைக்கழக அனைத்து பீடங்களிலும் உள்ள விரிவுரையாளர்களின் ஒற்றுமையுடன் முன்னெடுக்கப்படுகிறது. சங்கம் 5 முக்கிய கோரிக்கைகளை முன்வைத்து இந்த பணிப்புறக்கணிப்பில் ஈடுபட்டுள்ளதாக தகவல்கள் தெரிவிக்கப்பட்டுள்ளது.
இந்தப் பணிப்புறக்கணிப்பு, யாழ். பல்கலைக்கழக கலைபீட மாணவர்கள் தொடர்ச்சியாக ஒழுக்கத்துக்கேடான செயற்பாடுகளில் ஈடுபட்டு வரும் நிலையில், அதனை தடுக்க பல்கலைக்கழக நிர்வாகம் உரிய நடவடிக்கைகளை மேற்கொள்ளத் தவறியதன் பின்னணியில் ஆரம்பிக்கப்பட்டுள்ளதாக தெரிவிக்கப்படுகிறது.
விரிவுரையாளர்கள் மத்தியில் நிலவும் நம்பிக்கையின்மை மற்றும் பல்கலைக்கழக நிர்வாகத்தின் அலட்சியம், இப்பணிப்புறக்கணிப்புக்கு ஊக்கம் அளித்துள்ளது.
இந்நிலையில், தமது கோரிக்கைகளுக்கு முழுமையான தீர்வு கிடைக்கும் வரை இப் பணிப்பகிஷ்கரிப்பு தொடரும் என யாழ். பல்கலைக்கழக விரிவுரையாளர் சங்கம் வலியுறுத்தியுள்ளமை குறிப்பிடத்தக்கதாகும்.
