கிளிநொச்சியில் (Kilinochchi) அதிகரித்துள்ள மதுபானசாலைகளை மூடுமாறு கோரி கண்டன பேரணி ஒன்று இன்று (24-12-2024) முன்னெடுக்கப்பட்டது.
இப் பேரணியில் குறித்த விடயம் தொடர்பில் ஜனாதிபதியிடம் மகஜர் ஒன்றும் கையளிக்கப்பட்டுள்ளது.
கிளிநொச்சி பசுமைப்பூங்கா முன்றலில் இருந்து ஆரம்பமாகிய இப் பேரணி, கிளிநொச்சி மாவட்ட செயலகம் வரை முன்னெடுக்கப்பட்டுள்ளது.
இப்போராட்டத்தின் போது அதிகரித்த மதுபான சாலைகளை மூடுமாறும் கோரி கிளிநொச்சி மாவட்டத்தின் சிவில் சமூக அமைப்புகள், மதத் தலைவர்கள் மற்றும் வர்த்தக சங்கத்தினர் கிராம மட்ட அமைப்புக்களின் பிரதிநிதிகள் பெண்கள் என பலர் கலந்து கொண்டிருந்தனர்.
பேரணியை தொடர்ந்து ஜனாதிபதிக்கு கையளிப்பதற்கான மகஜர் ஒன்றும் கிளிநொச்சி மாவட்ட பதில் அரசாங்க அதிபர் எஸ்.முரளிதரனிடம் கையளிக்கப்பட்டமை குறிப்பிடத்தக்கது.
