டெலிகிராம் தலைமை நிர்வாக அதிகாரி பாவெல் துரோவ், சனிக்கிழமை (ஓகஸ்ட் 24) அன்று பிரான்ஸ் பொலிசாரால் கைது செய்யப்பட்டார். தனது தனிப்பட்ட ஜெட் விமானத்தில் பிரான்சில் தரையிறங்கியபோது, ஒரு மர்மப் பெண்ணுடன் சென்றதாக தகவல்கள் தெரிவிக்கின்றன. அந்த பெண் ஜூலி வவிலோவா என அடையாளம் காணப்பட்டுள்ளார், 24 வயதான “கிரிப்டோ பயிற்சியாளர்” அவர் கைது செய்யப்பட்டதாக நம்பப்படுகிறது.
ஜூலி வவிலோவா துபாயில் உள்ள ஒரு கிரிப்டோ பயிற்சியாளர் மற்றும் ஸ்ட்ரீமர் ஆவார். இன்ஸ்டாகிராம் உள்ளிட்ட சமூக ஊடக தளங்களில் செயலில் உள்ள அவர், “கேமிங், கிரிப்டோ, மொழிகள் மற்றும் மனநிலையில்” ஆர்வமுள்ள ஒரு விளையாட்டாளர் என்று தன்னை விவரிக்கிறார்.
24 வயதான அவர் துரோவின் காதலி என்றும், தகவல்களின்படி, டெலிகிராம் தலைமை நிர்வாக அதிகாரி கைது செய்யப்பட்டதற்குப் பின்னால் அவர் இருக்கலாம் என்றும் நம்பப்படுகிறது.
அவர் மொசாட் ஏஜென்டா?
துரோவ் கைது செய்யப்பட்டதில் இருந்து சமூக ஊடகங்களில் ஊகங்கள் ஏராளம். வவிலோவா ஒரு மொசாட் முகவர் என்று ஒரு சாரர் கூறுகிறார்கள். அவர் பாவெல் துரோவைப் பிடிக்க உதவும் ஒரு தேன் பொறியாக பயன்படுத்தப்பட்டதாக அவர்கள் நம்புகிறார்கள்.
இன்னொரு சாரர், அந்த பெண்ணே மொசாட் கண்காணிப்பில் இருந்ததாகவும், சமூக ஊடகங்களில் அவர் அடிக்கடி பதிவு செய்ததால், துரோவ் இருந்த இடங்களிலேயே அவரும் இருந்தது, துரோவ் கைதுக்கு வழிவகுத்தது என்கிறார்கள்.
கஜகஸ்தான், கிர்கிஸ்தான் மற்றும் அஜர்பைஜான் ஆகிய துரோவ் இருந்த பல இடங்களிலிருந்து புகைப்படங்களை அவர் வெளியிட்டுள்ளார்.
பாவெல் துரோவ் ஏன் கைது செய்யப்பட்டார்?
இரண்டு பிரெஞ்சு-ரஷ்ய குடியுரிமையுடன் ரஷ்யாவில் பிறந்த கோடீஸ்வரரான பாவெல் துரோவ், சனிக்கிழமை பாரிஸுக்கு வெளியே லு போர்கெட் விமான நிலையத்திற்கு தனியார் ஜெட் விமானத்தில் சென்று இறங்கிய பின்னர் கைது செய்யப்பட்டார்.
39 வயதான பில்லியனர், அறிக்கைகளின்படி, அஜர்பைஜானில் இருந்து பறந்து கொண்டிருந்தார்.
செய்தி நிறுவனமான AFP இன் படி, ரெலிகிராமை குற்றவியல் முறையில் பயன்படுத்துவதை தடுக்க நடவடிக்கை எடுக்காததால் அவர் கைது செய்யப்பட்டுள்ளார். சிறார்களுக்கு எதிரான வன்முறையைத் தடுக்கும் ஒரு அமைப்பான பிரான்சின் OFMIN, துரோவுக்கு ஒரு கைது வாரண்டைப் பிறப்பித்துள்ளது.
திங்கட்கிழமை (ஓகஸ்ட் 26) கிரெம்ளின், பாவெல் துரோவை ஏன் பிடித்து வைத்திருக்கிறது என்பது குறித்து பிரான்சிடம் இருந்து எந்தத் தகவலும் வரவில்லை என்று கூறியது.
“துரோவ் என்ன குற்றம் சாட்டப்பட்டார் என்பது எங்களுக்கு உறுதியாகத் தெரியவில்லை. இந்த விஷயத்தில் அதிகாரப்பூர்வ அறிவிப்பு எதையும் நாங்கள் கேட்கவில்லை” என்று கிரெம்ளின் செய்தித் தொடர்பாளர் டிமிட்ரி பெஸ்கோவ் செய்தியாளர்களிடம் கூறினார்.
“எதையும் சொல்வதற்கு முன், நிலைமை தெளிவாகும் வரை நாம் காத்திருக்க வேண்டும்… அது இல்லாமல், கருத்து தெரிவிப்பது பொருத்தமற்றது,” என்று அவர் மேலும் கூறினார்.
