குற்றப் புலனாய்வுப் பிரிவினரால் தடுத்து வைக்கப்பட்டு விசாரிக்கப்படும் ஒழுங்கமைக்கப்பட்ட குற்றவாளியும் பாரியளவான போதைப் பொருள் கடத்தல்காரனுமான ‘ஹரக் கட்டா’ என அழைக்கப்படும் நடுன் சிந்தக விக்கிரமரத்னவுடன் தொலைபேசியில் தொடர்பு கொண்ட பொலிஸ் அதிகாரிகள் தொடர்பில் விசேட விசாரணைகள் ஆரம்பிக்கப்பட்டுள்ளன.
பதில் பொலிஸ் மா அதிபர் தேசபந்து தென்னகோனின் பணிப்புரையின் பேரில் விசேட புலனாய்வுப் பிரிவினரால் விசாரணைகள் ஆரம்பிக்கப்பட்டுள்ளதாக பொலிஸ் தலைமையக வட்டாரங்கள் தெரிவிக்கின்றன.
குற்றம் சாட்டப்பட்டவர்களில் பெரும்பான்மையானவர்கள் தென் மாகாணத்தில் உள்ள பல்வேறு நிலைகளில் உள்ள பொலிஸ் அதிகாரிகள் என தெரியவந்துள்ளது.
‘ஹரக் கட்ட’ பொலிஸாரால் கைது செய்யப்பட்டதன் பின்னர் நடத்தப்பட்ட விசாரணைகளின் போதே இது தெரியவந்ததாகவும், ஆனால் உரிய விசாரணைகள் மேற்கொள்ளப்படாதமை தொடர்பில் பதில் பொலிஸ்மா அதிபர் தேசபந்து தென்னகோனின் கவனத்திற்கு கொண்டுவரப்பட்ட பின், உரிய விசாரணைகளை முன்னெடுப்பதற்கு உரிய பணிப்புரை வழங்கப்பட்டுள்ளதாக பொலிஸ் வட்டாரங்கள் தெரிவிக்கின்றன.
‘ஹரக் கட்டா’ வெளிநாட்டில் இருந்து கைது செய்யப்பட்ட போது, அந்த காவல்துறை அதிகாரிகள் பல்வேறு வெகுமதிகளைப் பெற்று அவர் தலைமையிலான போதைப்பொருள் வலையமைப்போடு நேரடியாகவோ அல்லது மறைமுகமாகவோ தொடர்பு வைத்திருந்தார்களா? இல்லாவிட்டால், அவரது அடியாட்களுக்கு வசதிகள் செய்து கொடுக்கப்பட்டுள்ளதா என்பது குறித்தும் சிறப்பு புலனாய்வு பிரிவினர் கவனம் செலுத்தப்பட்டுள்ளதுடன், குற்றம் சாட்டப்பட்ட காவல்துறை அதிகாரிகள் பெற்ற லஞ்சப் பணத்துடன்.வேறு நபர்களின் பெயரை பயன்படுத்தி வாங்கிய சொத்து, வாகனம் குறித்தும் விசாரிக்க உள்ளனர்.
‘ஹரக் கட்டா’ பொலிஸாரால் எதிர்பாராதவிதமாகக் கைது செய்யப்பட்டதோடு, குற்றஞ்சாட்டப்பட்ட சில பொலிஸ் உத்தியோகத்தர்கள், பல்வேறு காரணங்களைச் சொல்லி, தாமாக முன்வந்து மிகவும் தொலைதூரப் பகுதிகளுக்கு கூட தங்கள் சேவை முடிவதற்குள் இடமாற்றம் பெற்றுச் சென்றுள்ளதாக பொலிஸ் வட்டாரங்கள் தெரிவிக்கின்றன.
