தசுன் ஷானகவை அணித்தலைவர் பதவியில் இருந்து நீக்கியதால் எந்தப் பலனும் ஏற்படவில்லை என இலங்கை அணியின் பயிற்சி ஆலோசகர் மஹேல ஜயவர்தன தெரிவித்துள்ளார்.
காயம் காரணமாக வைத்தியரின் ஆலோசனையின் பிரகாரம் செயற்பட்டதாக மஹேல தெரிவித்துள்ளார்.
உலகக் கிண்ணப் போட்டிகளில் அடுத்த சுற்றுக்கு முன்னேற முடியாமல், வெளியேற்றப்பட்ட பின்னர், இலங்கை வந்துள்ள அணியினர் விசேட ஊடகவியலாளர் சந்திப்பொன்றை நடத்திய போதே அவர் இந்தக் கருத்துக்களை வெளியிட்டுள்ளார்.
பார்வை குறைபாடுகள் குணமாகி விட்டால் மீண்டும் அணியில் சேர தயாராக இருப்பதாகவும் அவர் கூறினார்.
இதேவேளை, இந்திய அணிக்கு எதிரான போட்டியில் இலங்கை அணி குறைந்த ஸ்கோரில் தோல்வியடைந்தமை தொடர்பில் கேள்வி எழுப்பப்பட்டது.
இதற்கு பதிலளித்த அணி மேலாளர், இந்திய அணி அல்லது வேறு யாரிடமிருந்தும் அணிக்கு எந்த அழுத்தமும் பிரயோகிக்கப்படவில்லை என்று கூறினார்.
கப்டன் குசல் மெண்டிஸும் தனது கருத்தை இங்கு தெரிவித்தார். ஆடுகளத்தில் ஏற்பட்டுள்ள மாற்றங்களால் வீரர்களால் சிறப்பாக செயல்பட முடியவில்லை என அவர் குறிப்பிட்டுள்ளார்.
குசல் மெண்டிஸ் இந்தியாவுக்கு எதிராக குறைந்த ரன்களில் பல அணிகளும் ஆட்டமிழந்ததை நினைவு கூர்ந்தார்.
எந்த அணியுடன் போட்டியிட்டாலும் வெற்றி பெறுவோம் என்ற நம்பிக்கையுடன் போட்டியிடுவேன் என்றார்.
இந்திய அணி திறமையாளர்களை கொண்ட தலைசிறந்த அணி என்றும் அவர்களுக்கு தாய் நாட்டின் ஆதரவு இருப்பதாகவும் அவர் சுட்டிக்காட்டியுள்ளார்.
குசல் மெண்டிஸ் கூறுகையில், தனது அணியின் குறைபாடுகளை உணர்ந்துள்ளதாகவும், எதிர்காலத்தில் இந்தியாவுக்கு எதிரான போட்டிகளில் சிறப்பாக விளையாடுவேன் என எதிர்பார்ப்பதாகவும் தெரிவித்தார்.
இதேவேளை, இவ்வாறு போட்டியை முடித்தமைக்கு வருந்துவதாக தெரிவித்த மஹேல ஜயவர்தன, போட்டியை 6 அல்லது 7வது இடத்தில் நிறைவு செய்யலாமென நம்பிக்யிருந்ததாக தெரிவித்தார். பல போட்டிகளில் இலங்கை அணியின் பலவீனங்கள் காரணமாக அந்த இடத்தை அடைய முடியாமல் போனதாக அவர் சுட்டிக்காட்டியுள்ளார். தவறுகள் இருந்தபோதிலும், இந்த அணி இலங்கையிடம் உள்ள சிறந்த திறமையான அணியாகும் என இலங்கை பயிற்றுவிப்பாளர் தெரிவித்துள்ளார். ஆனால் துடுப்பாட்டம் மற்றும் பந்துவீச்சு திறன்களை மேலும் வளர்க்க வேண்டும் எனவும் அவர் சுட்டிக்காட்டியுள்ளார்.
வான்கடே மைதானத்தில் நடைபெற்ற போட்டி தொடர்பிலும் மஹேல விளக்கம் அளித்துள்ளார். இந்த ஆண்டு சிறந்த அணி போட்டிக்கு அழைத்துச் செல்லப்பட்டதாகவும், பல வீரர்கள் காயம் காரணமாக தவறவிட்டதாகவும் மஹேல கூறினார். இந்தியாவுக்கு எதிரான போட்டியில் தவறவிட்ட கட்சை பிடிக்க முடிந்திருந்தால், இன்னும் அதிக மாற்றத்தை ஏற்படுத்திருக்க முடியும் என எதிர்பார்ப்பதாகவும் அவர் குறிப்பிட்டுள்ளார்.
இதேவேளை, இந்தப் போட்டியில் தோல்வியடைந்தமைக்காக இலங்கை அணி சார்பாக அனைவரிடமும் மன்னிப்புக் கோருவதாக குசல் மெண்டிஸிடம் தெரிவித்துள்ளார். கிரிக்கெட் ரசிகர்களின் எதிர்பார்ப்பை நிறைவேற்ற முடியாததே இதற்குக் காரணம். போட்டிகளில் வெற்றி பெற வேண்டும் என்ற நம்பிக்கையுடன் தான் இந்த உலகக் கோப்பையில் இணைந்ததாகவும், யாராலும் அழுத்தம் பிரயோகிக்கப்படவில்லை என்றும் அவர் வலியுறுத்தினார். ஒவ்வொரு போட்டியிலும் நாட்டுக்காக சிறப்பாக விளையாடுவதே இலக்காக இருந்ததாகவும், வேறு எந்த இலக்கும் இல்லை எனவும் குசல் மெண்டிஸ் தெரிவித்துள்ளார்.
மேலும், கிரிக்கெட் வாரியம் அல்லது வேறு யாராலும் எந்த வீரரும் பாதிக்கப்படவில்லை என்றும், அணிக்கு அதிகபட்ச ஆதரவை வழங்க கிரிக்கெட் அமைப்பு உறுதிபூண்டுள்ளதாகவும் இலங்கை அணியின் தலைவர் தெரிவித்துள்ளார். உலகக் கோப்பை அல்லது வேறு ஏதேனும் ஒரு போட்டியை வெல்வதில் மட்டுமே கவனம் செலுத்துவேன் என்று மெண்டிஸ் கூறினார்.
