துருக்கி மற்றும் சிரியாவில் ஏற்பட்ட பயங்கர நிலநடுக்கங்களால் 26 மில்லியன் மக்கள் பாதிக்கப்பட்டுள்ள நிலையில், உயிர் பிழைத்தவர்களின் சுகாதாரத் தேவைகளைச் சமாளிக்க 42.8 மில்லியன் டொலர்களை உலக சுகாதார நிறுவனம் கோருகிறது.
தென்கிழக்கு துருக்கி மற்றும் வடக்கு சிரியாவை இரண்டு பாரிய நிலநடுக்கங்கள் தாக்கிய ஒரு வாரத்திற்குப் பிறகும், மீட்புப் பணியாளர்கள் இடிபாடுகளுக்கு அடியில் இருந்து தப்பியவர்களை மீட்டு வருகின்றனர்.
துருக்கி மற்றும் சிரியாவில் உயிரிழந்தவர்களின் எண்ணிக்கை 33,000 க்கும் அதிகமாக உயர்ந்துள்ளது.
துருக்கியில் உயிரிழந்தவர்களின் எண்ணிக்கை 29,605 ஐ எட்டியுள்ளது, அதே நேரத்தில் சிரியாவில் உயிரிழந்தவர்களின் எண்ணிக்கை 3,574 ஐ எட்டியுள்ளது.
சிரியாவின் வடமேற்கு கிளர்ச்சியாளர்களின் கட்டுப்பாட்டில் உள்ள பிராந்தியத்தில் உயிரிழந்தவர்களின் எண்ணிக்கை 2,166 ஐ எட்டியுள்ளது என்று மீட்புப் பணியாளர் குழுவான வைட் ஹெல்மெட்ஸ் தெரிவித்துள்ளது. அரசின் கட்டுப்பாட்டில் உள்ள பகுதிகளில் 1,408 பேர் உயிரிழந்ததாக அரச ஊடகங்கள் தெரிவித்துள்ளன.
நாய் வழிகாட்டியது
துருக்கியில் நிலநடுக்கத்தால் பாதிக்கப்பட்டவர்களை சென்றடைய வழிதொரியாமல் மீட்புக்குழு திண்டாடிய போது, அந்த பகுதியிலிருந்த நாயைப் பின்தொடர்ந்து பாதிக்கப்பட்டவர்களை சென்றடைந்ததாக மீட்புக்குழு தெரிவித்துள்ளது.
கஹ்ரமன்மாராஸ் மாகாணத்தின் கோக்சன் மாவட்டத்தில் உள்ள ஒரு கிராமத்திற்குப் சென்றபோது, பனி மற்றும் பாறைகள் காரணமாக வீதி தடைப்பட்டிருந்தது. இதனால் ஒரு மாற்று வழியில் செல்ல முடிவு செய்தனர். ஆனால், சிறிது நேரத்தில் அவர்கள் வழி தறவிவிட்டனர்.
அப்போது அந்த பகுதியில் இருந்த நாயொன்றை பின்தொடர்ந்து செல்ல அவர்கள் தீர்மானித்தனர்.
நாயை பின்தொடர்ந்த அவர்கள் சிறிது நேரத்தில் பாதிக்கப்பட்ட மக்களை சென்று சேர்ந்தனர்.
தேர்ந்தெடுத்தது. சிறிது நேரத்திற்குப் பிறகு, அவர்கள் வழி தவறி, தங்களை நெருங்கும் நாயைப் பின்தொடர முடிவு செய்தனர்.
நாயின் வழிகாட்டுதலுக்கு நன்றி, அவர்கள் கிராமத்தைக் கண்டுபிடித்து உதவிகளை வழங்கினர்.
உயிர் பிரியும் போதும் தங்கையை அணைத்திருந்த அக்கா
சிரியாவின் அலொப்போ நகரிற்கு வடக்கே ஆப்ஃரின் நகரில் நடந்த சம்பவமொன்று மனதை உருக்குவதாக அமைந்துள்ளது.
فدت أختها الرضيعة بنفسها…. لحظات لا يصدقها العقل لإنقاذ طفلة على قيد الحياة كانت بحضن أختها.
مدينة #جنديرس بريف #عفرين شمالي #حلب، فجر الاثنين 6 شباط، بعد الزلزال العنيف الذي ضرب مناطق شمال غربي #سوريا.#الخوذالبيضاء #زلزالسوريا #سوريا pic.twitter.com/3cyTJDhBVA— الدفاع المدني السوري (@SyriaCivilDefe) February 11, 2023
நிலநடுக்கத்தின் இடிபாடுகளிற்குள் சிக்கியிருந்த சிறு குழந்தையொன்று மீட்கப்பட்டுள்ளது. அந்த குழந்தை மீட்கப்பட்ட போது, சிறிய சகோதரியின் மடியில் இருந்தார். உட்கார்ந்த நிலையில் சகோதரி உயிரிழந்திருந்தார். உயிரிழக்கும் போதும், தனது சிறிய சகோதரியை பாதுகாக்க கைகளால் அணைத்து வைத்திருந்தார்.
