பிரிட்டிஷ் பிரதமர் ரிஷி சுனக், உக்ரைனுக்கான இராணுவ உதவியின் அடிப்படையில் “மேசைக்கு வெளியே எதுவும் இல்லை” என்று கூறிய சிறிது நேரத்திலேயே, ரஷ்யா ஐரோப்பிய உலகிற்கு ஒரு எச்சரிக்கையை அனுப்பியது.
உக்ரைன் ஜனாதிபதி வோலோடிமிர் ஜெலென்ஸ்கி புதன்கிழமை லண்டனுக்குச் சென்று, தனது நாட்டுக்கு போர் விமானங்களை அனுப்புமாறு நட்பு நாடுகளை வலியுறுத்தினார்.
ஜெலென்ஸ்கியின் வருகையை ரஷ்யா கண்டித்துள்ளது. உக்ரைன் ஜனாதிபதி இங்கிலாந்துக்கு விஜயம் செய்வது இதுவே முதல் முறை. பிரிட்டனுக்கு வலுவான செய்தியை அனுப்பிய ரஷ்யா, பிரிட்டன் உக்ரைனுக்கு போர் விமானங்களை அனுப்பினால் அதற்கு பதிலடி கொடுப்போம் என்று கூறியது. பிரிட்டன் தொடர்ந்து உதவி செய்தால் அது போரை மேலும் அதிகரிக்கும் என்றும் எச்சரித்துள்ளது.
லண்டனில் உள்ள மொஸ்கோ தூதரகத்தின் அறிக்கையை மேற்கோள் காட்டி, “பிரிட்டிஷ் தரப்பின் எந்த நட்பற்ற நடவடிக்கைகளுக்கும் ரஷ்யா பதிலடி கொடுக்கும்” என்று பல ரஷ்ய செய்தி நிறுவனங்கள் தெரிவித்துள்ளன.
“அடுத்த சுற்று விரிவாக்கத்தின் ‘இரத்தம் தோய்ந்த அறுவடை’ மற்றும் ஐரோப்பிய கண்டம் மற்றும் முழு உலகிற்கும் இதனால் ஏற்படும் இராணுவ மற்றும் அரசியல் விளைவுகளுக்கு நாடு பொறுப்பேற்க வேண்டும்.”என அதில் குறிப்பிடப்பட்டிருந்தது.
புதனன்று சுனக், ஜெலன்ஸ்கியுடனான ஒரு கூட்டு செய்தி மாநாட்டில் உரையாற்றும் போது, உக்ரைனுக்கான போர் விமானங்கள் தங்கள் விவாதங்களின் ஒரு பகுதியாகும் என்று கூறினார்.
“உக்ரைனின் உதவிக்கு முதலில் வந்த நாடுகளில் ஐக்கிய இராச்சியம் ஒன்றாகும். இன்று நான் பிரிட்டிஷ் மக்களின் ஆதரவுக்காகவும், பிரதமர் ரிஷி சுனக்கின் தலைமைக்கு தனிப்பட்ட முறையில் நன்றி தெரிவிக்கவும் இருக்கிறேன்.” என ஜெலன்ஸ்கி சமூக ஊடகங்களில் கூறினார்:
விமான நிலையத்தில் ஜெலென்ஸ்கியை பிரித்தானிய பிரதமர் ரிஷி சுனக் வரவேற்றார். அவர்களின் சந்திப்புக்குப் பிறகு, ஜனாதிபதி ஒரு அறிக்கையில், உக்ரைன் ஜனாதிபதி “ரஷ்ய தாக்குதலை நிறுத்தவும், தற்காலிகமாக ஆக்கிரமிக்கப்பட்ட உக்ரேனிய பிரதேசங்களை விடுவிக்கவும் தேவையான ஆயுதங்களை கூட்டாளிகளிடமிருந்து உக்ரைன் பெறுவதற்கான முக்கியத்துவத்தை வலியுறுத்தினார்”. என குறிப்பிடப்பட்டிருந்தது.
