பொல்கஹவெல உடபொல பிரதேசத்தில் யானை ஒன்று கால்வாயில் குளித்ததை பார்த்துக்கொண்டிருந்த 8 வயது சிறுவனை தூக்கி கால்வாயில் வீசி காயப்படுத்திய சம்பவம் தொடர்பில் உடபொல கிராம சேவகர் கைது செய்யப்பட்டுள்ளதாக பொலிஸார் தெரிவிக்கின்றனர்.
சம்பவம் தொடர்பில் தெரியவருவதாவது, கால்வாய் கரையில் யானை ஒன்று நீராடிக் கொண்டிருந்ததை 8 வயதான சிறுவன் பார்த்துக் கொண்டிருந்துள்ளான்.
குடிபோதையில் அங்கு வந்த சம்பந்தப்பட்ட கிராம உத்தியோகத்தர் சிறுவனை தூக்கி கால்வாயில் யானை இருந்த இடத்தில் வீசியுள்ளார்.
இதனால் சிறுவனிற்கு எலும்பு முறிவு ஏற்பட்டுள் வைத்தியசாலையில் அனுமதிக்கப்பட்டுள்ளான்.
சிறுவனின் பெற்றோர் அளித்த முறைப்பாட்டின் அடிப்படையில் கிராமசேவகர் கைது செய்யப்பட்டார்.
குடிபோதையில் இருந்த 54 வயதுடைய கிராம உத்தியோகத்தர் இன்று நீதிமன்றத்தில் ஆஜர்படுத்தப்படவுள்ளார்.
