பின்லாந்திற்கான எரிவாயு விநியோகத்தை ரஷ்யா நேற்று சனிக்கிழமை இடைநிறுத்தியுள்ளது.
ரஷ்யாவின் காஸ்ப்ரோம் நிறுவனத்திற்கான கொடுப்பனவை ரூபிள்களில் செலுத்த பின்லாந்து மறுத்ததையடுத்து, ரஷ்யா எரிவாயு விநியோகத்தை இடைநிறுத்தியுள்ளது.
பணம் கொடுக்க நார்டிக் நாடு மறுத்ததை அடுத்து, நேட்டோ உறுப்பினருக்கு விண்ணப்பித்து மாஸ்கோவை கோபப்படுத்திய அண்டை நாடான பின்லாந்துக்கு இயற்கை எரிவாயு வழங்குவதை ரஷ்யா சனிக்கிழமை நிறுத்தியது.
பெப்ரவரி 24 அன்று உக்ரைன் மீதான ரஷ்யாவின் படையெடுப்பைத் தொடர்ந்து, ரஷ்யா மீது அமெரிக்கா உள்ளிட்ட மேற்கு நாடுகள் பொருளாதாரத்தடைகளை விதித்தன. நிதித் தடைகளைத் தவிர்க்கும் ஒரு வழியாக, “நட்பற்ற நாடுகளின்” வாடிக்கையாளர்களை — ஐரோப்பிய ஒன்றிய நாடுகள் உட்பட — ரூபிள்களில் எரிவாயு கொடுப்பனவை செலுத்துமாறு ரஷ்யா அறிவித்தது.
எனினும், ரஷ்யாவின் அண்டை நாடான பின்லாந்து ரூபிள்களில் கொடுப்பனவை செலுத்த மறுத்தது.
இதையடுத்து, காஸ்ப்ரோம் நிறுவனம் சனிக்கிழமை ஒரு அறிக்கையில், “மே 20 அன்று வேலை நாள் முடிவதற்குள்” ஃபின்லாந்தின் அரசுக்கு சொந்தமான எரிசக்தி நிறுவனமான Gasum இலிருந்து ரூபிள் கொடுப்பனவுகளைப் பெறாததால் “எரிவாயு விநியோகத்தை முற்றிலுமாக நிறுத்திவிட்டதாக” கூறியது.
2021 ஆம் ஆண்டில் ஃபின்லாந்திற்கு 1.49 பில்லியன் கன மீட்டர் இயற்கை எரிவாயுவை வழங்கியுள்ளதாக காஸ்ப்ரோம் கூறியது, இது நாட்டின் எரிவாயு நுகர்வில் மூன்றில் இரண்டு பங்குக்கு சமம்.
இருப்பினும், பின்லாந்தின் ஆற்றலில் எட்டு சதவிகிதம் இயற்கை எரிவாயு ஆகும்.
பின்லாந்தை எஸ்டோனியாவுடன் இணைக்கும் பால்டிக் கனெக்டர் பைப்லைன் மூலம் பிற ஆதாரங்களில் இருந்து வரும் எரிவாயு பற்றாக்குறையை ஈடுசெய்வதாக பின்லாந்தின் காஸூம் நிறுவனம் கூறியது. மேலும் நிரப்பு நிலையங்கள் சாதாரணமாக இயங்கும் என்று உறுதியளித்தார்.
“கஸூமின் விநியோக ஒப்பந்தத்தின் கீழ் பின்லாந்துக்கான இயற்கை எரிவாயு விநியோகம் நிறுத்தப்பட்டுள்ளது” என்று நிறுவனம் ஒரு அறிக்கையில் தெரிவித்துள்ளது.
ஏப்ரல் மாதம், Gazprom Export சப்ளை ஒப்பந்தத்தில் எதிர்கால கொடுப்பனவுகளை யூரோக்களுக்கு பதிலாக ரூபிள்களில் செய்ய வேண்டும் என்று கோரியது.
காஸூம் கோரிக்கையை நிராகரித்தது. அத்துடன், செவ்வாயன்று பிரச்சினையை நடுவர் மன்றத்திற்கு கொண்டு செல்வதாக அறிவித்தது.
பின்லாந்து நேட்டோவின் இணைவதாக அறிவித்து, அண்மையில் ரஷ்யாவை மேலும் கோபமூட்டியது குறிப்பிடத்தக்கது.
