நாடளாவிய ரீதியில் ஏற்பட்டுள்ள தொடர் மின்வெட்டு காரணமாக உறைந்த உணவின் தரம் தொடர்பில் அவதானமாக இருக்குமாறு இலங்கை பொது சுகாதார பரிசோதகர்கள் சங்கம் பொதுமக்களை எச்சரித்துள்ளது.
ஊடகங்களுக்கு கருத்து தெரிவித்த தொழிற்சங்க தலைவர் உபுல் ரோஹன, துர்நாற்றம், நிறம் அல்லது வித்தியாசமான வடிவத்தில் இறைச்சி உள்ளிட்ட உறைந்த உணவுகளை விற்பனை செய்வதையோ அல்லது வாங்குவதையோ பொதுமக்கள் தவிர்க்க வேண்டும் என்று கூறினார்.
கடந்த இரண்டு வாரங்களில், மனித நுகர்வுக்குத் தகுதியற்ற இறைச்சி மற்றும் பாலைத் விற்பனை செய்த 387 கடைகளுக்கு எதிராக சட்ட நடவடிக்கை எடுத்துள்ளதாக தெரிவித்தார்.
7 மணி நேரம் மின்வெட்டு காரணமாக குளிர்சாதன பெட்டிகள் செயல்படாததால் உணவுப் பொருட்கள் மோசமாகி வருவதாக அவர் தெரிவித்தார்.
வாடிக்கையாளர்களுக்கு பொருட்களை விற்பனை செய்யும் போது வர்த்தகர்கள் பொறுப்புடன் இருக்குமாறு உபுல் ரோஹன கேட்டுக்கொண்டார்.
கடைகளில் உறைந்த உணவுகளை வாங்கும் போது நுகர்வோர் அவதானமாக இருக்குமாறும் அவர் கேட்டுக்கொண்டுள்ளார்.
