காதலிக்க மறுத்த பெண்ணை பொது இடத்தில் பெற்றோல் ஊற்றி எரித்து கொலை செய்து விட்டு, தனக்குத்தானே தீமூட்டி இளைஞன் தற்கொலை செய்து கொண்டுள்ளான்.
இந்த வெறிச்செயல் நேற்று (17) காலை கேரளாவின், கோழிக்கோடு, திக்கொடி பகுதியில் நடந்தது.
வெள்ளிக்கிழமை காலை திக்கோடி பஞ்சாயத்து அலுவலகம் முன்பு காலை 9.50 மணியளவில் இந்த சம்பவம் நடந்தது. அந்த அலுவலகத்தில் பணியாற்றிய கிருஷ்ணப்ரியா (22) என்பவர் மீது பெட்ரோல் ஊற்றி தீவைத்துவிட்டு, நந்தகோபன் (28) என்பவர் தீக்குளித்து தற்கொலைக்கு முயன்றுள்ளார்.
கிருஷ்ணபிரியா, திக்கொடி ஊராட்சியில் தற்காலிக ஊழியராக பணியாற்றி வந்தார். கடந்த ஒரு வாரமாகத்தான் அவர் பணியில் இணைந்துள்ளார்.
நந்தகோபன் 60 சதவீத தீக்காயத்துடன், கோழிக்கோடு மருத்துவக் கல்லூரி மருத்துவமனையில் அனுமதிக்கப்பட்டார். அங்கு சிகிச்சை பலனின்றி உயிரிழந்துள்ளார்.
நந்தகோபன், நீண்ட நாட்களாக கிருஷ்ணபிரியாவை துன்புறுத்தி வந்ததாக அவரது உறவினர்கள் தெரிவித்தனர்.
