அநாமதேய நபர் ஒருவரிடமிருந்து தனக்கு தொலைபேசி வழியாக அச்சுறுத்தல் வந்ததாக ஐக்கிய மக்கள் சக்தியின் நாடாளுமன்ற உறுப்பினர் பாட்டலி சம்பிக்க ரணவக்க தெரிவித்தார்.
தன்னைப் பற்றிய ஓடியோ கிளிப்பை வெளியிடுவேன் என்று அவர் அச்சுறுத்தியதாகவும் தெரிவித்தார்.
தனக்கு எதிராக தாக்கல் செய்யப்பட்டு, நிலுவையில் உள்ள வழக்கின் சாட்சியாக அழைப்பாளர் தன்னை அடையாளப்படுத்தியதாகவும் தெரிவித்துள்ளார்.
““இந்த நபர் டிசம்பர் 14 செவ்வாய்க்கிழமை காலை 11 மணி முதல் 12 மணி வரை எனக்கு போன் செய்து, தனக்கு எதிராக தொடரப்பட்ட மற்றும் நீதிமன்றங்களில் நிலுவையில் உள்ள வழக்கின் ஒவ்வொரு விவரமும் தெரியும் என்றார்.
எனக்கு எதிராக வழக்குத் தாக்கல் செய்யப்பட்டுள்ள விபத்தில் சிக்கிய சந்தீப் குணவர்தனவை இராஜாங்க அமைச்சர் ஒருவரைப் பார்க்க அழைத்துச் சென்றவர் தாம் என்று அழைப்பாளர் கூறினார். எனக்கு எதிராக சாட்சியமளிக்கும் அனைவரையும் மற்றுமொரு அமைச்சரவை அமைச்சரிடம் கொண்டு சென்றவர் தான் எனவும் அவர் கூறினார்.
எனது ஓடியோ கிளிப்பை வரும் நாட்களில் வெளியிடுவேன், விரைவில் என்னை சந்திக்க வருவேன் என்றார். இது நிச்சயமாக பொய்யானது. இந்த நபரை சந்திக்க மாட்டேன் என்றும் கூறிக்கொள்ள விரும்புகிறேன்.
“இது அரசாங்கத்தின் எதிரிகளை அழிக்கும் தந்திரம். நாடும் அரசாங்கமும் கடும் நிதி நெருக்கடியை எதிர்கொண்டுள்ள நேரத்தில் மக்களின் கவனத்தை திசை திருப்பும் நாடகங்களில் இதுவும் ஒன்று” என்று அவர் மேலும் கூறினார்.
