விண்வெளியில் கால் பதித்து நடந்த முதலாவது சீனப் பெண் என்ற பெருமையைப் பெற்றுள்ளார் வாங் யாப்பிங்.
அந்தப் பெண்ணும் இன்னொருவரும், சுமார் 6 மணி நேரம் Tiangong விண்வெளி நிலையத்துக்கு வெளியே இருந்தனர்.
விண்வெளி ஆய்வு நிலையம் அமைக்கும் பணிகளின் ஓர் அங்கமாக அவர்கள் அங்கிருந்ததாகத் தெரிகிறது.
Tiangong விண்வெளி நிலையம் அடுத்த ஆண்டு செயல்படத் தொடங்கும் என எதிர்பார்க்கப்படுகிறது.
நிலையத்தின் ஒரு பகுதியிலிருந்து வாங்கும், சக ஊழியரும் வெளியேறி கமராவுக்குக் கை அசைத்தது காணொளியாகப் பதிவாகியுள்ளது.
அப்போது, அவர்கள் நிலையத்தின் வெளியே சில இணைப்புகளைப் பொருத்திக்கொண்டிருந்தனர்.
விண்வெளி நிலையத்துக்கு வெளியே, இடம்பெற்றுள்ள முதல் நடவடிக்கை அது என்று சீன விண்வெளி ஆய்வு நிறுவனம் கூறியது.
சீனா உருவாக்கிய புதிய தலைமுறை Feitian ஸ்பேஸ்சூட்களை அணிந்துகொண்டு, இந்த ஜோடி இயந்திரக் கையின் உதவியுடன் கூடுதல் பணிகளை மேற்கொண்டு வருகிறது.
சீனா தனது விண்வெளி நிலையத்தை நிர்மாணிப்பதற்காக மூன்று விண்வெளி வீரர்களுடன் ஷென்சோ-13 விண்கலத்தை ஒக்டோபர் 16 அன்று ஏவியது. அவர்கள் 6 மாதங்கள் விண்வெளியில் தங்கியிருப்பர்.