கந்தளாய் பிரதேசத்தில் கார் வேகக்கட்டுப்பாட்டை இழந்து புகையிரத கடவையில் மோதியதில் காரில் பயணித்த பொலிஸ் எஸ் ஐ ஒருவர் உயிரிழந்துள்ளதுடன் மற்றைய எஸ்ஐ படுகாயமடைந்த நிலையில் கந்தளாய் வைத்தியசாலையில் அனுமதிக்கப்பட்டுள்ளதாக கந்தளாய் தலைமையக பொலிஸார் தெரிவித்தனர்.
இச்சம்பவம் நேற்றிரவு (11) 10.30 இடம் பெற்றுள்ளது.
இவ்வாறு உயிரிழந்தவர் கந்தளாய் தலைமையக பொலிஸ் நிலையத்தில் பணியாற்றும் நெலுவ-எல்லகாவ வந்த பகுதியைச் சேர்ந்த (எஸ்.ஐ) டி.எல்.சிறிசேன (58) எனவும் படுகாயமடைந்தவர் அதே பொலிஸ் நிலையத்தில் கடமையாற்றும் மாத்தளை-மஹாவெல பகுதியைச் சேர்ந்த (எஸ்.ஐ டி.எம்.டி.பீ. திசாநாயக்க (55) எனவும் பொலிஸார் தெரிவித்தனர்.
உயிரிழந்தவரின் சடலம் தற்போது கந்தளாய் வைத்தியசாலையில் வைக்கப்பட்டுள்ளதுடன் விபத்து தொடர்பில் கந்தளாய் தலைமையக பொலிசார் விசாரணைகளை மேற்கொண்டு வருகின்றனர்.
