ஆசிரியர்கள் மற்றும் அதிபர்களின் தொழிற்சங்கங்களிற்கும், சம்பள முரண்பாடுகளைத் தீர்க்க நியமிக்கப்பட்டஅமைச்சரவை உபகுழுவுக்கும் இடையே இன்று திட்டமிடப்பட்ட கலந்துரையாடல் நாளை வரை ஒத்திவைக்கப்பட்டது.
இலங்கை ஆசிரியர் சேவை சங்கத்தின் பொதுச் செயலாளர் மஹிந்த ஜெயசிங்கஇது தொடர்பில் தெரிவிக்கையில், வாராந்திர அமைச்சர்கள் கூட்டம் இன்று பிற்பகல் நடைபெறவுள்ளதால், விவாதம் மாற்றியமைக்கப்பட்டது என்றார்.
துணைக்குழு நியமிக்கப்பட்டு எட்டு நாட்கள் கடந்துவிட்ட போதிலும், தங்கள் கவலைகளை எழுப்ப அவர்களுக்கு வாய்ப்பு வழங்கப்படவில்லை என்று கூறினார்.
இந்த குழு பிரச்சினையை தீர்க்காமல், தந்திரோபாயமாக தொழிற்சங்கங்களை தனித்தனியாக சந்தித்து நேரத்தை கடத்த முயற்சிக்கிறது என்றார்.
அமைச்சரவை உபகுழு இக்கட்டான சூழ்நிலையைப் புரிந்து கொள்ளவில்லை என்றும் பிரச்சினையைத் தீர்ப்பதில் ஆர்வம் காட்டவில்லை என்றும் கூறினார்.
