பீஸ்ட் அப்டேட் – விஜய்க்கு வில்லனாகும் செல்வராகவன்…தமிழ் திரையுலகில் முன்னணி நடிகராக இருக்கும் விஜய், தற்போது ‘பீஸ்ட்’ படத்தில் நடித்து வருகிறார். நெல்சன் இயக்கும் படத்தில் பூஜா ஹெக்டே ஹீரோயினாக நடிக்கிறார். மேலும் யோகிபாபு, அபர்ணா தாஸ், விடிவி கணேஷ் ஆகியோரின் முக்கிய கதாபாத்திரத்தில் நடித்து வருகிறார். படத்தின் படப்பிடிப்பு விறுவிறுப்பாக நடந்து வருகிறது.
சன் பிக்சர்ஸ் தயாரிக்கும் படத்திற்கு அனிருத் இசையமைக்கிறார். மனோஜ் பரமஹம்சா ஒளிப்பதிவு செய்கிறார். காதல், நகைச்சுவை, அதிரடி சண்டை காட்சிகளுடன் இந்த படம் தயாராகி வருகிறது. தற்போது, படத்தில் நடிக்க இயக்குனர் செல்வராகவன் ஒப்பந்தமாக உள்ளார். அவர் வில்லனாக நடிக்க உள்ளார். அவர் நடிக்கும் இரண்டாவது படம் இதுவாகும், இவர் இதற்கு முந்தைய ‘சாணிக் காயிதம்’ படத்தில் நடித்துள்ளார். படம் இன்னும் ரிலீசாகவில்லை.
