Mi 12: ஆரம்பமே அசத்தல்.. சீனாக்காரன்னா சும்மாவா!?
சியோமியின் அடுத்த தலைமுறை பிரீமியம் ஸ்மார்ட்போன் ஆன Mi 12 மாடல், புதிய LPDDR5X ஸ்டோரேஜை பேக் செய்வதாக அறிவிக்கப்பட்டுள்ளது. இது தவிர்த்து இதன் ப்ராசஸர், கேமராக்கள் பற்றிய சில விவரங்களும் கிடைத்துள்ளது.
JEDEC மூலம் வெறும் ஒரு நாளுக்கு முன்பே அறிவிக்கப்பட்ட LPDDR5X கான்பிகரேஷன் அடுத்த நாளே மி 12 ஸ்மார்ட்போனில் இடம்பெறும் என்று அறிவிக்கப்பட்டு இருப்பதின் வழியாகா சியோமி அதன் மி 12 ஸ்மார்ட்போனின் மீது எவ்வளவு தீவிரமாக வேலை செய்கிறது என்பதை அறிந்துகொள்ள முடிகிறது.
மேலும் இந்த தொழில்நுட்பத்தை ஒருங்கிணைக்கும் முதல் ஸ்மார்ட்போன்களில் மி 12 மாடலும் இருக்கும் என்பதிலும் சந்தேகம் வேண்டாம்.
இதுதவிர்த்து மி 12 ஆனது இந்த ஆண்டில் அறிவிக்கப்பட்ட சமீபத்திய குவால்காம் ப்ராசஸர் மூலம் இயங்கும் என்றும் எதிர்பார்க்கப்படுகிறது. மேலும் Mi 12 ஸ்மார்ட்போன் 200 மெகாபிக்சல் பிரதான சென்சாரை பேக் செய்வதாகவும் வதந்திகள் உள்ளன.
சியோமியின் Mi 12 புதிதாக அறிவிக்கப்பட்ட LPDDR5X ஸ்டப்ரேஜை பேக் செய்யலாம் என்கிற தகவலை டிப்ஸ்டர் ஐஸ் யுனிவர்ஸின் வெய்போ போஸ்ட் வழியாக தெரிய வந்தது என்பது இங்கே குறிப்பிடத்தக்கது.
இந்த புதிய ரேம் கான்பிகரேஷன் ஆனது அதிகபட்சமாக 6,400Mbps முதல் 8,533Mbps வரை டேட்டா பரிமாற்ற வீதத்தை வழங்குகிறது, இது LPDDR4X நிர்வகிக்கக்கூடியதை விட இரண்டு மடங்கு அதிகமாகும்.
MiDrivers வழியாக வெளியான ஒரு அறிக்கை Mi 12 ஆனது குவால்காம் ஸ்னாப்டிராகன் 898 SoC மூலம் இயக்கப்படுகிறது என்று கூறுகிறது, இது LPDDR5X ஆதரவுடன் வர வாய்ப்புள்ளது. குவால்காம் ஸ்னாப்டிராகன் 895 SoC மூலம் தான் Mi 12 இயக்கப்படும் என்கிற முந்தைய அறிக்கையுடன் இது முரண்படுகிறது.
அடுத்த தலைமுறை சிப்செட்டின் மார்க்கெட்டிங் பெயர் எதுவாக இருந்தாலும், குவால்காம் அதை திட்டமிடும் அரை மாதத்திற்கு பின்னரே மி 12 ஸ்மார்ட்போன் வெளியாக வேண்டும். ஆக இந்த சிப்செட் வருகிற டிசம்பர் தொடக்கத்தில் அறிமுகம் செய்யப்படலாம்.
நினைவூட்டும் வண்ணம் Mi 11 கடந்த ஆண்டு டிசம்பரில் வெளியிடப்பட்டது, பின்னர் அதன் அதிகாரப்பூர்வ வெளியீடு இந்த ஆண்டு பிப்ரவரியில் தான் நடந்தது.
Mi 12 பற்றி இப்போது நமக்குத் தெரிந்திருப்பது மிகக் குறைவு. இருப்பினும் இதுவரை வெளியான லீக்ஸ் தகவல்களின் வழியாக இது சாம்சங் மற்றும் ஒலிம்பஸிலிருந்து 200 மெகாபிக்சல் முதன்மை கேமராவை பேக் செய்யும், மற்றும் கூறப்படும் 200-மெகாபிக்சல் சென்சார் ஆனது 16-இன் -1 பிக்சல் பின்னிங் தொழில்நுட்பத்தின் கீழ் 12 மெகாபிக்சல் புகைப்படங்களை பெரிய பிக்சல்களுடனான அவுட்புட் ஆக வழங்கும்.
மி 12 ஸ்மார்ட்போனின் கேமரா தொகுதியில் ஒலிம்பஸ் லோகோ இருக்கலாம். கூடுதலாக, Mi 12 ஸ்மார்ட்போனின் செல்பீ கேமராவிற்கான சிங்கிள் ஹோல் பஞ்ச் கட்அவுட் ஆனது கர்வ்டு டிஸ்ப்ளேவில் இடம்பெற வாய்ப்புள்ளது.
