மதுரையில் அமையவுள்ள கலைஞர் நினைவு நூலகத்திற்கு இடம் தேர்வு செய்வதற்காக பொதுப்பணித்துறை அமைச்சர் எவ வேலு, வணிக வரித்துறை அமைச்சர் மூர்த்தி, நிதி அமைச்சர் பழனிவேல் தியாகராஜன் ஆகியோர் ஆய்வு மேற்கொண்டனர்.
மதுரை மாவட்டத்தில் 70 கோடி ரூபாய் மதிப்பில் 2 லட்சம் சதுர அடி பரப்பளவில் நவீன வசதிகளுடன் கூடிய நூலகம் அமைக்கப்படும் எனத் தேர்தல் அறிக்கையில் முதலமைச்சர் முக ஸ்டாலின் அறிவித்திருந்தார்.
அதற்காக மதுரை நகர்ப் பகுதிகளில் 6 இடங்கள் பரிசீலனையில் உள்ள இடங்களில் எந்த இடத்தில் நூலகம் அமைக்கலாம் என்பது தொரபான ஆய்வுகள் தொடங்கிவிட்டது.
மதுரை மாட்டுதாவனி பேருந்து நிலையம் அருகில், உலக தமிழ்ச்சங்க வளாகம் அருகில், மீனாட்சி அரசு மகளிர் கல்லூரி அருகில், மாநகராட்சி பொது பண்டக சாலை, எல்லீஸ் நகர் வீட்டு வசதி வாரிய குடியிருப்பு சாலை உள்ளிட்ட 6 இடங்கள் பரிசீலனையில் உள்ள நிலையில் 6 இடத்தையும் நேரில் ஆய்வு செய்து இடம் தேர்வு செய்தார்.
மதுரை மாவட்டத்தில் கலைஞர் நூலகம் அமைப்பது தொடர்பாக 6 இடங்களைத் தேர்வு செய்து ஆய்வு நடத்தப்பட்டுள்ளது. அதில் மக்கள் அதிகமாக வந்து செல்லும் வகையிலும் சாலை வசதி கொண்ட இடத்தை தேர்வு செய்யப்படும்.
முழுவதும் குளிரூட்டப்பட்ட 7 தளங்களைக் கொண்டதாகக் கலைஞர் நூலகம் அமைய உள்ளது. 24 பகுதியாகப் பிரிக்கப்பட்டு நூலகம் அமைய உள்ளது.
ஒரே நேரத்தில் 600 வாசகர்கள் அமர்ந்து பார்க்கும் வகையில் நூலகம் அமைக்கப்படுகிறது. கலைஞர் நூலகம் அமையும் இடத்தை முதல்வர் தேர்வு செய்வார் இடம் தேர்வு செய்யப்பட்டு ஓராண்டுக்குள் பணிகள் முடிக்கப்படும். தமிழ் வளர்த்த மதுரையில் தமிழாக வாழ்ந்த கலைஞருக்கு நூலகம் அமைவது மிகவும் பொருத்தமாக இருக்கும் எனக் கூறினார்.
