யாழ் மாவட்டத்திலும் டெல்ட்டா வகை கோவிட்-19 வைரஸ் பரவல் உள்ளதா என்பதை ஆராய்வதற்காக, தெரிவு செய்யப்பட்ட மாதிரிகள் சில, மேலதிக பரிசோதனைக்காக சிறி ஜெயவர்த்தனபுர பல்கலைகழகத்திற்கு அனுப்பி வைக்கப்பட்டுள்ளது.
கொழும்பு தெமட்டகொட பகுதியில் அண்மையில் அடையாளம் காணப்பட்ட தொற்றாளர்கள் சிலரின் பிசிஆர் மாதிரிகள், மரபணு சோதனைக்காக சிறி ஜெயவர்த்தனபுர பல்கலைகழகத்திற்கு அனுப்பி வைக்கப்பட்டது.
இதில் 2 வீடுகளை சேர்ந்த 5 பேருக்கு, இந்தியாவில் பரவிய டெல்ட்டா வகை திரிபடைந்த கோவிட்-19 வைரஸ் தொற்று இருப்பது கண்டறியப்பட்டது.
இதையடுத்து, வடக்கு சுகாதார பிரிவினர் அதிக வைரஸ் பரவலுள்ள இடங்களில் அடையாளம் காணும் தொற்றாளர்களின் மாதிரிகளை, மரபணு பரிசோதனைக்காக சிறி ஜெயவர்த்தனபுர பல்கலைகழகத்திற்கு அனுப்பி வைக்க நடவடிக்கையெடுக்கப்பட்டுள்ளது.
இதன்படி, முதலில் யாழ் மாவட்டத்தில் அடையாளம் காணப்பட்ட தொற்றாளர்கள் சிலரின் மாதிரிகள், நேற்று அனுப்பி வைக்கப்பட்டுள்ளது.
இதன் பரிசோதனை முடிவுகள் அடுத்த வாரம் வெளியாகும்.
