வாயில் வாளை வைத்து ரிக்ரொக் வீடியோ வெளியிட்ட இளைஞன், பொலிசாரால் அறிவுரை கூறப்பட்டு விடுவிக்கப்பட்டுள்ளார்.
யாழ்ப்பாணம், உரும்பிராய் பகுதியை சேர்ந்த 22 வயதான இளைஞன் ஒருவர், நேற்று முன்தினம், கோப்பாய் பொலிவாரால் கைது செய்யப்பட்டார்.
அவர் வாயில் வாள் வைத்து ரிக்ரொக் வீடியோ வெளியிட்டிருந்தார். அந்த வீடியோ பொலிசாரின் கவனத்திற்கு சென்றதையடுத்து, கோப்பாய் பொலிசாரால் கைது செய்யப்பட்டார்.
அவர் வாள்வெட்டு குழு உறுப்பினராக இருக்கலாமென்ற சந்தேகத்திலேயே கைது செய்யப்பட்டார்.
எனினும், ஆலயத்தின் வாளொன்றையே வாயில் வைத்து ரிக்ரொக் வீடியோ எடுத்தது விசாரணையில் தெரிய வந்தது.
ஆலய பூசகரும் பொலிஸ் நிலையம் சென்று வாக்குமூலமளித்தார். ஆலயத்தை கழுவ வரும் இளைஞர்களிடம் வாளையும் கழுவும்படி வழங்கியதாகவும், அப்போது ஒரு இளைஞன் ரிக்கொக் வீடியோ பதிவு செய்திருக்கலாமென கூறினார்.
இளைஞனிற்கு வாள்வெட்டு குழுவுடன் தொடர்பில்லையென்பது உறுதியானதும், அவர் அறிவுரை கூறி விடுவிக்கப்பட்டுள்ளார்.
