வெங்காயத்தில் இருந்து கருப்பு பூஞ்சை தொற்று பரவுக்கிறது என்று சமூக வலைதளங்களில் வெளியாகி வரும் தகவல் குறித்து மருத்துவர்கள் விளக்கம் அளித்துள்ளனர்
கடந்த சில வாரங்களாக பல்வேறு மாநிலங்களில் கொரோனாவில் இருந்து குணமடைந்தவர்கள் பிளாக் ஃபங்கஸ் (Balck Fungus – கருப்பு பூஞ்சை) எனப்படும் மியுகோர்மைகோகிஸ் (Mucormycosis) தொற்றுக்கு ஆளாகி வருகின்றனர். கணிசமாக இந்த தொற்றுக்கு ஆளாகுபவர்கள் எண்ணிக்கையும் அதிகரித்து வருகிறது. சில உயிரிழப்புகளும் பதிவாகி வருகிறது.
மத்திய அரசின் அறிவுறுத்தலின்படி கருப்பு பூஞ்சை நோய்யை, தொற்று நோயாக பல்வேறு மாநிலங்கள் அறிவித்துள்ளன. ஏற்கனவே கொரோனாவால் பாதிக்கப்பட்ட 4,500 பேர் கருப்பு பூஞ்சை நோயால் பாதிக்கப்பட்டு இருப்பதாக மத்திய சுகாதாரத்துறை அமைச்சர் தெரிவித்துள்ளார்.
அத்துடன், கருப்பு பூஞ்சை தொற்று குணப்படுத்தப் படக்கூடியதுதான், எனவே பயப்படத் தேவையில்லை என்றும் மருத்துவர்கள் தெரிவித்துள்ளனர். கருப்பு பூஞ்சை கிருமிகள் சுற்றுப்புறச்சூழலில் எப்போதும் இருப்பவைதான். மனிதர்களின் சளி, கற்று, மண், தாவரங்கள், உணவு, அழுகிய பழங்களில் காணப்படும் பூஞ்சைகளில் இருந்து கருப்பு பூஞ்சை உருவாகிறது. ஆனால், இதன் தீவிரத்தன்மை குறைவுதான்.
உடலில் நோய் எதிர்ப்புச் சக்தி குறைவாக உள்ளவர்கள், ஸ்டீராய்ட் மருந்துகளை அதிகம் எடுத்துக் கொள்பவர்களை இது அதிகமாக தாக்குகிறது. கண்களைச் சுற்றி வலி, சிவப்பு நிறத்தில் தடிப்பு, காய்ச்சல், தலைவலி, மூச்சு திணறல் உள்ளிட்டவைகள் இதன் அறிகுறிகள் என்று விழிப்புணர்வுகள் ஏற்படுத்தப்பட்டு வருகின்றன.
இதனிடையே, வெங்காயத்தில் இருந்து கருப்பு பூஞ்சை நோய் பரவுவதாக சமூக வலைத்தளங்களில் தகவல் ஒன்று பரவி வருகிறது. ஆனால், இந்த தகவலை மருத்துவர்கள் மறுத்துள்ளதுடன், அந்த தகவல் போலியானது என்றும், அதனை யாரும் நம்ப வேண்டாம் என்றும் அவர்கள் அறிவுறுத்தியுள்ளனர்.
வெங்காயத்தின் மேல் காணப்படும் பூஞ்சைகள் பூமியின் கீழ் உள்ள பூஞ்சைகள் என்றும் கருப்பு பூஞ்சையை உருவாக்கும் வைரஸ்கள் வேறு என்றும் மருத்துவர்கள் விளக்கம் அளித்துள்ளனர் என்பது குறிப்பிடத்தக்கது.
