வெறி பிடிச்ச நாய் குரைப்பதற்கு எல்லாம் என்னால் பதில் சொல்ல முடியாது என்று அமைச்சர் பி.டி.ஆர். தியாகராஜன் தெரிவித்ததை பார்த்த இயக்குநர் மோகன் இது நாகரிக அரசியலா என்று கேட்டுள்ளார்.
இந்து சன்னியாசிகளை பற்றி பேசினால் அவர்களின் பின்னணி குறித்து நோண்டப்படும் என்று தமிழக நிதி அமைச்சர் பி.டி.ஆர். தியாகராஜனை பாஜக நிர்வாகியான ஹெச். ராஜா எச்சரித்தார். இது குறித்து பி.டி.ஆர். தியாகராஜனிடம் செய்தியாளர்கள் கேட்டனர். அதற்கு அவர் கூறியதாவது,
மனிதன் பேசுற, தகுதி உள்ள மனிதன் பேசுற ஏதாவது கருத்து, விமர்சனம், கோரிக்கையை சொல்லுங்க, நான் பதில் சொல்றேன். வெறி புடிச்ச நாய் குரைக்கிறதுக்கு எல்லாம் நீங்கள் என்னிடம் வந்து கேட்டால். இந்த மாதிரி நாய் குரைப்பதற்கு எல்லாம் நான் பதில் சொல்வது இல்லை என்றார்.
அமைச்சர் தியாகராஜனின் பதிலை பார்த்த மீம்ஸ் கிரியேட்டர்கள் ஹெச். ராஜாவை கலாய்த்துக் கொண்டிருக்கிறார்கள். இந்நிலையில் திரௌபதி படம் புகழ் இயக்குநர் மோகன் ஹெச். ராஜாவுக்கு ஆதரவாக ட்வீட் செய்துள்ளார்.
அவர் ட்விட்டரில் கூறியிருப்பதாவது,
திரு ஹெச். ராஜா அவர்களை இவ்வளவு மதிப்பு குறைவாக விமர்சனம் செய்வது நாகரிக அரசியலா.. வயதிற்கும், அரசியல் அனுபவத்திற்கும் கூட மரியாதை கிடையாதா.. கருத்துரிமை என்பது இங்கு இல்லையா.. கோவில்களை பாதுகாப்பதற்கு குரல் கொடுப்பவர்களுக்கு இதுதான் இங்கு கிடைக்கும் மரியாதையா.. என கேள்வி எழுப்பியுள்ளார்.
மோகனின் ட்வீட்டை பார்த்தவர்கள் கூறியிருப்பதாவது,
இவன மாதிரி புழுகுமூட்டை உன் பக்கத்துல வேணும்னா வச்சுக்க.
இவன் சுத்த்+அ கிழிச்சிடணும் https://t.co/U6KhBtR4Lz pic.twitter.com/d2PDIFoegp
— Biriyani Andaa (@BiriyaniA) May 22, 2021
ஹைகோர்டாவது ம…வது என்று ராஜா பேசியது ரொம்ப நாகரிகமானது தான். ராஜாவை பற்றி பேசினால் உங்களுக்கு எதுக்கு சாரே கோபம் வருது?
சிவகார்த்திகேயனின் அப்பாவை கொலை செய்துவிட்டார்கள் என்று பொய் சொன்ன ராஜாவை என்ன செய்வது?. தேவையே இல்லாமல் சிவகார்த்திகேயன் அப்பாவை பற்றி இவர் ஏன் பேச வேண்டும்?
ஹெச். ராஜாவை ஏதோ ஹீரோ மாதிரி நினைச்சு பேசுகிறீர்கள். அவர் யார் என்பது அனைவருக்கும் தெரியும். வைரமுத்துவை பற்றி கீழ்த்தரமாக பேசியபோது எங்கிருந்தீர்கள் இயக்குநரே என தெரிவித்துள்ளனர்.
நீங்க ஏன் அண்ணா, தேவையில்லாமல் ராஜாவுக்கு ஆதரவளிக்கிறீர்கள். இப்போது ஒரு கோஷ்டி உங்களை வசை பாடிக் கொண்டிருக்கிறது என மோகனின் ஆதரவாளர்கள் கூறியுள்ளனர்.
சிவகார்த்திகேயனின் தந்தை பெயர் ஜெயபிரகாஷ் என்று தெரிவித்தார் ஹெச். ராஜா. ஆனால் அவர் தந்தையின் பெயர் தாஸ். எங்க அண்ணனின் அப்பா பெயர் ஜி. தாஸ் என்று சிவகார்த்திகேயன் ரசிகர்கள் சமூக வலைதளங்களில் தெரிவித்து வருகிறார்கள்.
