ராஜஸ்தானின் பார்மரைச் சேர்ந்த 33 வயதான ஒரு பெண் கிட்டத்தட்ட 70 சதவிகித தீக்காயங்களுக்குப் பிறகு மருத்துவமனையில் அனுமதிக்கப்பட்டு உயிருக்கு போராடிக்கொண்டிருக்கிறார்.
கொரோனா காரணமாக இறந்த தனது 73 வயதான தந்தையின் இறுதி சடங்கில் எரியும் சிதையில் குதித்து தானும் இறக்கத் துணிந்துள்ளார். அவர், தனது தந்தையின் மரணத்தால் மன வேதனையுடன் இருந்த நிலையில், இந்த நடவடிக்கை எடுத்ததாக கூறப்படுகிறது.
பார்மரின் ராய் காலனியில் வசிக்கும் தாமோதர் தாஸ் மகேஸ்வரி நேற்று காலை அரசு மருத்துவமனையில் காலமானார். அங்கு அவருக்கு கொரோனா தொற்று உறுதி செய்யப்பட்ட பின்னர் சிகிச்சைக்காக அனுமதிக்கப்பட்டார். கொரோனா பாதிக்கப்பட்டவர்களின் உடல்களை அகற்றுவதற்கான அரசாங்க நெறிமுறையின்படி அவரது இறுதி சடங்குகளைச் செய்ததற்காக மருத்துவமனை நிர்வாகம் அவரது உடலை அவரது குடும்பத்தினருக்கு வழங்கியது.
இறந்த வயதான கொரோனா நோயாளியின் மூன்று மகள்கள் உடலுடன் தகன மைதானத்திற்கு சென்றனர். அவருக்கு மகன்கள் இல்லை. அவரது மகள்கள் தனது இறுதி சடங்குகளை செய்ய வேண்டும் என்று அவர் விரும்பினார். தகனம் செய்யும் போது, மகேஸ்வரியின் திருமணமாகாத மகள் சந்திர மகேஸ்வரி காலா தந்தையின் சடலம் எரிந்து கொண்டிருந்த நிலையில் அதில் குதித்தார்.
எனினும், மற்ற குடும்ப உறுப்பினர்களால் அவர் வெளியேற்றப்பட்டார். பின்னர் உடனடியாக சிகிச்சைக்காக அருகிலுள்ள மருத்துவமனைக்கு கொண்டு சென்றனர். பின்னர், ஜோத்பூரில் உள்ள உயர் மருத்துவ வசதிக்கு அவர் பரிந்துரைக்கப்பட்டார். அங்கு அவர் தற்போது சிகிச்சை பெற்று வருகிறார். அவருக்கு 70 சதவீத தீக்காயங்கள் உள்ள நிலையில் அவரது உடல்நிலை மிகவும் ஆபத்தான கட்டத்தில் உள்ளது என்று கூறப்படுகிறது.
சந்திரா தனது தந்தையுடன் மிகவும் நெருக்கமானவர் என்றும் உணர்ச்சிவசப்பட்டு அவர் சிதையில் குதித்ததாகவும் கூறினார். போலீசாருக்கு தகவல் கிடைத்ததும், இது குறித்து விசாரணையைத் தொடங்கினர்.
