தமிழக சட்டப் பேரவைத் தேர்தலில் தனி பெரும்பான்மையுடன் திமுக வெற்றி பெற்றுள்ளது. ஆளும் கட்சியான அதிமுக படுதோல்வி அடைந்துள்ளது. இதை அடுத்து, வருகின்ற 7ம் தேதி புதிய அரசின் முதலமைச்சராக திமுக தலைவர் மு.க.ஸ்டாலின் பதவி ஏற்க இருக்கிறார்.
இந்நிலையில் சென்னை முகப்பேர் ஜெ.ஜெ நகர் அம்மா உணவகத்தின் முன்பாக இருந்த ஜெயலலிதா படத்துடன் இருந்த விளம்பர பதாகையை திமுகவினர் சிலர் அடித்து உடைத்து அப்புறப்படுத்தினர். மேலும், அங்கு கருணாநிதியின் படத்தை வைக்க முயன்றனர். இது, அப்பகுதியில் பெரும் பரபரப்பையும், அதிமுகவினர் மத்தியில் கடும் அதிர்ச்சியையும் ஏற்படுத்தி உள்ளது.
