31.3 C
Jaffna
May 8, 2021

இலங்கை

‘ஏதோ ஒன்று இருந்தது’: விபத்தை விளக்குகிறார் சுமந்திரன்!

இரு வாகனங்கள் சறுக்கிய காரணத்தினால் அந்த இடத்தில் ஏதாவது இருந்திருக்கின்றது என்பதை சந்தேகிக்க தோன்றுகின்றது. என தமிழ் தேசிய கூட்டமைப்பின் ஊடகப்பேச்சாளர் மதியாபரணம் ஆபிரகாம் சுமந்திரன் தெரிவித்தார்.

மட்டக்களப்பு மாவட்டம் களுவாஞ்சிக்குடி பகுதியில் உள்ள தனியார் விடுதி ஒன்றில் நேற்று முன்தினம் செய்தியாளர் சந்திப்பொன்றில் கலந்து கொண்டு ஊடகவியலாளர் எழுப்பிய கேள்வி ஒன்றிற்கு பதிலளிக்கையில் மேற்கண்டவாறு கூறினார்.

அவர் மேலும் தெரிவிக்கையில்,

அதிகாலை நேரத்தில் வாகனத்தை நிறுத்தி பணம் கட்டிவிட்டு வெளியேறுகின்ற போது அச்சம்பவம் நடைபெற்றது. அந்த வேளை வேகம் மிகவும் மட்டுப்படுத்தப்பட்டதாகவே இருந்தது. ஈரமாக இருந்த வீதியில் உள்ள திருப்பம் ஒன்றில் வாகனம் சென்று கொண்டிருந்த நிலையில் சறுக்கி வீதியின் இரு பக்கமும் உள்ள பாதுகாப்பு கவசங்களை மாறி மாறி மோதி வாகனம் சுழல தொடங்கியது. அவ்வாகனம் அங்கு சறுக்குவதற்கு எண்ணெய் அல்லது வேறு ஏதாவது இருந்ததா என்பது எமக்கு தெரியவில்லை.

ஏதாவது இருந்திருக்க வேண்டும். ஏனென்றால் எனது வாகனம் அவ்விடத்தில் மோதி சுழன்று அடித்த பின்னரும் எமது வாகனத்திற்கு பின்னால் வந்த மற்றுமொரு வாகனமும் கூட அதே போன்று மோதி மிக மோசமாக சேதமடைந்திருந்தது.

இவ்விபத்தில் தெய்வாதீனமாக எமது வாகனத்தில் பயணம் செய்தவர்களுக்கு எவ்வித ஆபத்தும் இடம்பெறவில்லை. ஆனால் விபத்திற்குள்ளாகிய இரு வாகனங்களும் பலத்த சேதங்களுக்கு உள்ளாகி இருக்கின்றன. ஒரு இடத்தில் சிறிய இடவேளையில் இரு வாகனங்கள் சறுக்கிய காரணத்தினால் அந்த இடத்தில் ஏதாவது இருந்திருக்கின்றது என்பதை சந்தேகிக்க தோன்றுகின்றது என்றார்.

-பா.டிலான்-

Related posts

தொற்று அதிகரிக்கலாம்; விழிப்பாக இருங்கள்: யாழ் அரச அதிபர் எச்சரிக்கை!

Pagetamil

மன்னார் அரச பேருந்துக்குள் வயோதிபர் திடீர் மரணம்!

Pagetamil

வெள்ளவத்தை சர்வதேச பாடசாலை களஞ்சியசாலையில் 15,000 குர் ஆன் பிரதிகள்!

Pagetamil

Leave a Comment