27.3 C
Jaffna
April 15, 2021

மலையகம்

ஊவா மாகாண தமிழ் கல்வியமைச்சு மீண்டும் கல்வியமைச்சின் கீழ்!

ஊவா மாகாணத்தில் தனித்து இயங்கிய தமிழ்க் கல்வி அமைச்சு, அதிவிசேட வர்த்தமானி மூலம், பொதுவான கல்வி அமைச்சின் கீழ் மீண்டும் கொண்டுவரப்பட்டுள்ளது.

ஏப்ரல் 2 ஆம் திகதி முதல் அமுலாகும் வகையில் இந்த அதிவிசேட வர்த்தமானி அறிவித்தல் வெளியாக்கப்பட்டுள்ளது.

ஊவா மாகாண தமிழ்க் கல்வி அமைச்சானது, கடந்த 3 ஆண்டுகளாக, மாகாண வீதி அபிவிருத்தி, வீடமைப்பு, நீர்வழங்கல், தோட்ட உட்கட்டமைப்பு வசதிகள், கூட்டுறவு விவகார அமைச்சு என்பனவற்றடன் ஒருங்கிணைந்த அமைச்சாக செயற்பட்டு வந்தது.

தமிழ்க் கல்வி அமைச்சு தவிர்ந்த கல்வி அமைச்சு, நிதி, திட்டமிடல், சட்டமும் சமாதானமும், மாகாண உள்ளூராட்சி, மின்சக்தி, வலுசக்தி, நிர்மாணத்துறை, கிராமிய உட்கட்டமைப்பு வசதிகள் மற்றும் காணி தொடர்பான அமைச்சு என்பனவற்றுடன் ஒருங்கிணைந்த அமைச்சாக செயற்பட்டு வந்தது.

இந்த நிலையில், கடந்த 17ஆம் திகதிக்கு திகதியிடப்பட்ட குறித்த அதிவிசேட வர்த்தமானி அறிவித்தல், ஊவா மாகாண ஆளுநர் ஏ.ஜே.எம். முஸம்மில்லினால் வெளியிடப்பட்டுள்ளது.

இதன்படி, ஊவா மாகாண வீதி அபிவிருத்தி, வீடமைப்பு, நீர் வழங்கல், தோட்ட உட்கட்டமைப்பு வசதிகள் மற்றும் கூட்டுறவு விவகாரம் தொடர்பான அமைச்சுகளின் விடயதானங்களுடன் ஒருங்கிணைந்து செயற்பட்ட தமிழ்க் கல்வி அமைச்சு, அதிவிசேட வர்த்தமானியின் மூலம் அதிலிருந்து நீக்கப்பட்டுள்ளது.

ஊவா மாகாண நிதியும், திட்டமிடலும், சட்டமும், சமாதானமும், கல்வி, மாகாண உள்ளுராட்சி, மின்சக்தி, வலுசக்தி, நிர்மாணத்துறை, கிராமிய உட்கட்டமைப்பு வசதிகள் மற்றும் காணி தொடர்பான அமைச்சுடன் தமிழ்க் கல்வி அமைச்சு அதிவிசேட வர்த்தமானி மூலம் இணைக்கப்பட்டுள்ளது.

What’s your Reaction?
+1
0
+1
0
+1
0
+1
0
+1
0
+1
0
+1
0

Related posts

பொறியில் சிக்கிய சிறுத்தை தப்பியோட்டம்: பொது மக்கள் மத்தியில் பதற்றம்

Pagetamil

வீதி அபிவிருத்தி பணியில் ஈடுபட்ட இருவர் உட்பட மூவருக்கு தொற்று

Pagetamil

தந்தையை குத்திக் கொன்று விட்டு தலைமறைவான மகன்!

Pagetamil

Leave a Comment

error: Alert: Content is protected !!