இலங்கையில் நேற்று 272 கொரோனா தொற்றாளர்கள் அடையாளம் காணப்பட்டனர். இதன்மூலம், நாட்டில் அடையாளம் காணப்பட்ட தொற்றாளர்களின் எண்ணிக்கை 91,561 ஆக உயர்ந்தது.
நேற்றைய தொற்றாளர்களில், பேலியகொட கொரொனா கொத்தணியுடன் தொடர்புடையவர்களாக 260 நபர்கள் அடையாளம் காணப்பட்டனர், வெளிநாட்டிலிருந்து நாடு திரும்பிய 12 நபர்களும் தொற்றுடன் அடையாளம் காணப்பட்டனர்.
நேற்று, 264 நபர்கள் தொற்றிலிருந்து குணமடைந்து வீடு திரும்பினர். தற்போது 2,858 நபர்கள் வைத்தியசாலைகளில் சிகிச்சை பெற்று வருகின்றனர், தொற்று சந்தேகத்தில் 359 நபர்கள் மருத்துவ கண்காணிப்பில் உள்ளனர்.
