யாழ் மாவட்டத்தில் நேற்று 31 கொரோனா தொற்றாளர்கள் அடையாளம் காணப்பட்டனர்.
அன்டிஜன் சோதனைகளில் 22 பேரும், பிசிஆர் சோதனையில் 9 பேரும் அடையாளம் காணப்பட்டனர்.
அன்டிஜன் சோதனையில், ஊர்காவற்துறை சுகாதார வைத்திய அதிகாரி பிரிவில் 3 பேர், சாவகச்சேரி சுகாதார வைத்திய அதிகாரி பிரிவில் ஒருவர், யாழ்ப்பாணம் சுகாதார வைத்திய அதிகாரி பிரிவில் 5 பேர், காரைநகர் சுகாதார வைத்திய அதிகாரி பிரிவில் ஒருவர், கோப்பாய் சுகாதார வைத்திய அதிகாரி பிரிவில் 2 பேர், மருதங்கேணி சுகாதார வைத்திய அதிகாரி பிரிவில் ஒருவர், நல்லூர் சுகாதார வைத்திய அதிகாரி பிரிவில் ஒருவர், பருத்தித்துறை சுகாதார வைத்திய அதிகாரி பிரிவில் ஒருவர், தெல்லிப்பழை சுகாதார வைத்திய அதிகாரி பிரிவில் 5 பேர், உடுவில் சுகாதார வைத்திய அதிகாரி பிரிவில் 2 பேர் தொற்றுடன் அடையாளம் காணப்பட்டனர்.
இதேவேளை, யாழ்ப்பாணம் போதனா வைத்தியசாலை ஆய்வுகூடத்தில் நேற்று மேற்கொள்ளப்பட்ட பரிசோதனையில் 27 பேருக்கு தொற்று உறுதியானது. இதில் 9 பேர் யாழ் மாவட்டத்தை சேர்ந்தவர்கள்.
நேற்று 319 பேரின் மாதிரிகள், யாழ் போதனா வைத்தியசாலை ஆய்வுகூடத்தில் பரிசோதிக்கப்பட்டது.
இதில், யாழ் மாவட்டத்தில்- தெல்லிப்பழை ஆதார வைத்தியசாலையில் ஒருவர், யாழ்ப்பாணம் போதனா வைத்தியசாலையில் 4 பேர், சாவகச்சேரி ஆதார வைத்தியசாலையில் 2 பேர், சாவகச்சேரி சுகாதார வைத்திய அதிகாரி பிரிவில் 2 பேர் என- 9 பேர் அடையாளம் காணப்பட்டனர்.
யாழ்ப்பாணம் போதனா வைத்தியசாலையில் மேற்கொள்ளப்பட்ட பரிசோதனையில் வவுனியா மற்றும் மன்னாரை சேர்ந்த இருவரும் தொற்றுடன் அடையாளம் காணப்பட்டனர்.
இதுதவிர, வவுனியா பொது வைத்தியசாலையில் ஒருவர், பூவரசங்குளம் மாவட்ட வைத்தியசாலையில் 2 பேர், முல்லைத்தீவு மாவட்ட பொது வைத்தியசாலையில் ஒருவர், வவுனியா சுகாதார வைத்திய அதிகாரி பிரிவில் 12 பேர் தொற்றுடன் அடையாளம் காணப்பட்டனர்.
