இலங்கை கிரிக்கெட் அணியில் கொரோனா தொற்று அபாயம் ஏற்பட்டுள்ளதையடுத்து, இந்திய- இலங்கை அணிகளிற்கிடையிலான தொடர் சில நாட்களிற்கு பிற்போடப்பட்டுள்ளது.
இலங்கை கிரிக்கெட் அணியின் இரண்டு பயிற்சி உத்தியோகத்தர்கள் கோவிட் -19 தொற்றிற்குள்ளானதையடுத்து, இலங்கை வீரர்கள் ஞாயிற்றுக்கிழமை வரை கடுமையான தனிமைப்படுத்தலில் உள்ளனர்.
இதையடுத்து, ஒருநாள் போட்டிகள் ஜூலை 17, 19 மற்றும் 21 ஆகிய திகதிகளில் நடைபெற திட்டமிடப்பட்டுள்ளது. முன்னதாக, 13ஆம் திகதி தொடர் ஆரம்பிக்கவிருந்தது.
ரி20 போட்டிகள் ஜூலை 24, 25 மற்றும் 27 ஆகிய திகதிகளில் நடைபெறும் என்று ஈஎஸ்பிஎன் கிரிகின்ஃபோ தெரிவித்துள்ளது.
