புதிய படத்தின் மூலம் இசையமைப்பாளர் தேவிஸ்ரீ பிரசாத் கதாநாயகனாக நடிக்க இருப்பதாகக் கூறப்படுகிறது.
சினிமாவில் நடிகர் அல்லாதோர் பிரபலம் அடைந்து விட்டால் அதன் பிறகு நடிப்பில் களமிறங்குவது ஒன்றும் புதிதல்ல. இயக்குனராக இருந்து நடிகர்கள் ஆனவர்கள் தயாரிப்பாளர்களாக இருந்து நடிகர்கள் என்ற வரிசையில் இசையமைப்பாளராக இருந்து நடிகர்கள் ஆனவர்களுக்கு பலர் உள்ளனர். விஜய் ஆண்டனி ஜிவி பிரகாஷ் உள்ளிட்டோர் இசையமைப்பாளராக இருந்து தற்போது வெற்றிகரமாக நடிகராகவும் வலம் வந்து கொண்டிருக்கின்றனர்.
அந்த வரிசையில் தற்போது பிரபல இசையமைப்பாளர் தேவி ஸ்ரீ பிரசாத்தும் இணைந்துள்ளார். அவர் விரைவில் கதாநாயகனாக அறிமுகமாக இருப்பதாக கூறப்படுகிறது.
நடிகை சார்மி புதிய தயாரிப்பு நிறுவனம் ஒன்றைத் தொடங்கி படங்களைத் தயாரிக்க ஆரம்பித்துள்ளார். பூரி ஜெகன்னாத் இயக்கத்தில் விஜய் தேவரகொண்டா நடித்து வரும் லைகர் படத்தை சார்மி தான் தயாரித்து வருகின்றனர். அடுத்ததாக தேவிஸ்ரீ பிரசாத் ஹீரோவாக அறிமுகமாகும் படத்தை அவர் தயாரிக்க இருப்பதாகக் கூறப்படுகிறது. இந்தப் படம் குறித்த அதிகாரப்பூர்வ தகவல்கள் விரைவில் வெளியாகும் என்று எதிர்பார்க்கப்படுகிறது.
