வடமராட்சி, முள்ளி பகுதியில் அமைக்கப்பட்ட சேதன பசளை தொழிற்சாலை வரும் ஞாயிற்றுக்கிழமை (27) திறந்து வைக்கப்படவுள்ளது.
அமைச்சர் நாமல் ராஜபக்ச இந்த நிலையத்தை திறந்து வைப்பார்.
கரவெட்டி பிரதேசசபைக்குட்பட்ட முள்ளி பகுதியில், சேதன குப்பைகளை இயற்கை உரமாக மாற்றும் தொழிற்சாலை ஜெய்க்கா நிறுவனத்தின் உதவியுடன் கடந்த நல்லாட்சி காலத்தில் அமைக்கப்பட தொடங்கியது.
அதன் கட்டுமான பணிகள் முடிவடைந்ததை தொடர்ந்து, ஞாயிற்றுக்கிழமை திறப்பு விழா இடம்பெறுகிறது. கரவெட்டி பிரதேசசபை தவிசாளர் த.ஐங்கரன் தலைமையில் நிகழ்வு நடைபெறும்.
வடமராட்சி மற்றும் தென்மராட்சி, வலிகாமம் கிழக்கு பகுதிகளில் சேரும் சேதன பசளைகளை இயற்சை பசளையாக மாற்றப்படவுள்ளது.
