பௌத்த சட்டங்களில் கைவைக்கும் எண்ணமேயில்லை: அடித்துச் சொல்லும் அலி சப்ரி!

பௌத்த விகாரைகள் கட்டளை சட்டத்தில் திருத்தம் செய்யவோ, யுதிதாக எதையாவது இணைக்கவோ எந்த திட்டமும் இல்லையென நீதி அமைச்சர் அலி சப்ரி தெரிவித்துள்ளார்.

இன்று கொழும்பில் நடைபெற்ற ஊடகவியலாளர் சந்திப்பில் உரையாற்றிய அமைச்சர், பாராளுமன்ற உறுப்பினர் அத்துரலிய ரத்ன தேரர் எழுப்பிய கேள்விக்கு பதிலளிக்கும் விதமாக அவர் பாராளுமன்றத்தில் தெரிவித்த கருத்துக்களை சில பிரிவினர் தவறாக விளக்கியுள்ளனர் என்றார்.

இந்த விளக்கம் சமூகத்தில் சில குழுக்களுக்கு இடையே குழப்பத்தை ஏற்படுத்தியது என்று அமைச்சர் கூறினார். தேரர் எழுப்பிய கேள்வி குறித்து அமைச்சர் அலி சப்ரி கருத்து தெரிவிக்கையில், இது அரசியலமைப்பினுள் உள்ள அடிப்படை உரிமைகள் பிரிவில் கவனம் செலுத்துவதாகக் கூறினார்.

பௌத்த தற்காலிக கட்டளை போன்ற சட்டங்கள் சட்ட கட்டமைப்பிற்குள் இருந்ததால் சில நாட்களில் திருத்த முடியாது என்பதை விளக்கவே அந்த பதிலை தெரிவித்ததாக கூறினார்.

இருப்பினும், அரசாங்கம் அவ்வாறு செய்யாது என்று அமைச்சர் கூறினார், அத்தகைய சட்டங்களை திருத்தவோ அல்லது இரத்து செய்யவோ திட்டமிடவில்லை.

இஸ்லாமிய சட்டத்தில் திருத்தங்கள் முன்னரே தீர்மானிக்கப்பட்ட கட்டமைப்பின் படி செய்யப்படும் என்றும் நீதி அமைச்சர் தெரிவித்தார்.

கட்டமைப்பைத் திருத்துவதற்கான செயல்முறை தொடங்கிவிட்டது, இது கணிசமான நேரம் எடுக்கும் என்று அவர் கூறினார்.

திருமண வயது 18, திருமணத்தில் பெண் கையெழுத்திடுவது போன்ற விடயங்கள் முன்மொழியப்பட்டுள்ளன.

ஆண்களுக்கும் பெண்களுக்கும் சம உரிமைகளை வழங்க வேண்டுமென நீதி அமைச்சர் தெரிவித்தார்.

தேசிய பாதுகாப்பு தேவை கருதி, பொது இடங்களில் முகத்தை மறைப்பது தடை செய்யப்படும் என்பதை வெளிப்படுத்தினார்.

அனைத்து திருத்தங்களும் ஒழுங்கமைக்கப்பட்ட முறையில் மேற்கொள்ளப்படும் என்றார்