கொரோனா வைரஸ் உருவானதிலிருந்து உலகம் முழுவதும் உள்ள எல்லா நாடுகளும் பொருளாதாரத்திலும், வியாபாரங்கள் செய்ய முடியாமலும் சிக்கி தவிக்கின்றன. நாட்டில் உள்ள மக்கள் எல்லாம் வீட்டிலேயே முடங்கி கிடப்பதால் என்ன செய்வது என தெரியாமல் எல்லோரும் விழி பிதுங்கி நிற்கின்றனர்.
கடந்தாண்டு இதே நாளில் எல்லோரும் எதிர்பார்த்தது கொரோனா வைரஸிற்கான தடுப்பு மருந்தை தான். அந்த மருந்தை உருவாக்குபவர் தான் உலகின் மிகப்பெரிய பணக்காரர் ஆவார் என்ற பேச்சு வந்தது. தற்போது உலகில் பல நிறுவனங்கள் கொரோனாவிற்கான தடுப்பு மருந்தை கண்டுபிடித்து விட்டன.
அப்படியாக கொரோனா மருந்து கண்டுபிடிக்கப்பட்டதில் உலகில் 9 பேர் பெரும் கோடீஸ்வரர்களாக மாறியுள்ளனர். அவர்களை பற்றி தான் இந்தபதிவில் காணப்போகிறோம்
ஸ்டெபைன் பன்செல்
அமெரிக்காவில் கொரோனா மருந்து தயாரிப்பு நிறுவனமான மோடர்னா என்ற நிறுவனத்தின் தலைமை செயல் அதிகாரியாக உள்ளார். இவரின் தற்போதைய சொத்து மதிப்பு 4.3 பில்லியன் அமெரிக்க டாலர்
அஹர் ஷாஹின்
இவர் ஜெர்மன் தடுப்பு மருந்து நிறுவனமான BioNTech நிறுவனத்தின் தலைமை செயல் அதிகாரி மற்றும் இணை நிறுவனராக இருப்பவர் இவர் Pfizer நிறுவனத்துடன் இணைந்து கொரோனா தடுப்பு மருந்தை தயாரித்து வருகிறார். இவரது சொத்தின் மதிப்பு 4 பில்லியன் அமெரிக்க டாலர்
டிமோத்தி ஸ்பிரிங்கர்
இவர் உடலில் உள்ள நோய் எதிர்ப்பு சக்தி குறித்து ஆய்வு செய்யும் இம்யூனாலஜிஸ்டாக இருக்கிறார். இவர் தான் அமெரிக்க தடுப்பூசி நிறுவனமான மோடர்னா விற்கான முதலீட்டாளர்களை ஈர்த்தவர். இவரின் சொத்து மதிப்பு 2.2 பில்லியன் அமெரிக்க டாலர்
நெளபர் அஃபியான்
அமெரிக்க தடுப்பூசி தயாரிக்கும் நிறுவனமானர் மோர்டர்னா நிறுவனத்தின் தலைவர் இவர் தான் இவரின் சொத்து மதிப்பு 1.9 பில்லியன் டாலர்
ஜூவான் லோப்ஸ் பெல்மோன்டே
ஸ்பெனின் பயோடெக் நிறுவனமான ROVI என்ற நிறுவனத்திற்கு தலைவரான இவர் அமெரிக்க நிறுவனமான மோடர்னா நிறுவனம் தயாரித்த தடுப்பு மருந்தை உற்பத்தி செய்யும் உரிமம் பெற்று பணக்காரராக மாறியுள்ளார். இவரது சொத்தின் மதிப்பு 1.8 பில்லியன் அமெரிக்க டாலர்
ராபட் லேங்கர்
விஞ்ஞானியான இவர் அமெரிக்க நிறுவனமான மோடர்னாவில் முதலீடு செய்துள்ளார். தற்போது இவரின் சொத்து மதிப்பு 1.6 பில்லியன் அமெரிக்க டாலர்
சூ தோ
சீனாவின் கொரோனா தடுப்பூசி தயாரிக்கும் நிறுவனமான கேன்சினோ பயோலாஜிக்ஸ் நிறுவனத்தின் இணை நிறுவனரும் தலைமை விஞ்ஞான அதிகாரியுமான இவரின் சொத்து மதிப்பு 1.3 பில்லியன் அமெரிக்க டாலர்
க்யூ டாங்க்ஸ்யூ
இவரும் சீன தடுப்பு மருந்து தயாரிக்கும் கேன்சினோ பயோலாஜிக்ஸ் நிறுவனத்தின் இணை நிறுவனர் தான். இவர் 2009ம் ஆண்டு அந்நிறுவனத்தின் செயல் இயக்குநராக பணியமர்த்தப்பட்டார் தற்போது அவரின் சொத்தின் மதிப்பு 1.2 பில்லியன் அமெரிக்க டாலர்
மெள ஹயூவா
இவரும் சீன சீன தடுப்பு மருந்து தயாரிக்கும் கேன்சினோ பயோலாஜிக்ஸ் நிறுவனத்தின் இணை நிறுவனர் தான். தற்போது துணை தலைவராக பணியாற்றி வருகிறார் இவரின் சொத்தின் மதிப்பு 1 பில்லியன் அமெரிக்க டாலர்
