புத்தளம் நகரசபை முதல்வர் கே.ஏ.பாயிஸின் மரணம் தொடர்பில் அவருடைய வாகன சாரதி மற்றும் வாகனத்தில் பயணித்த இருவர் கைது செய்யப்பட்டுள்ளதாக பொலிஸ் ஊடக பேச்சாளர் தெரிவித்துள்ளார்.
பொலிஸார் மேற்கொண்ட பரிசோதனையில் அவர்கள் மது அருந்தியிருந்தமை தெரியவந்துள்ளது.
எளுவன்குளம் பகுதியிலுள்ள ரால்மடம குளத்தில் நகர சபை முதல்வர் சிலருடன் குளித்துவிட்டு சென்ற சமயத்தில் விபத்திற்குள்ளானார். திறந்த வானத்தின் பின்புறத்தில் அவர் அமர்ந்து சென்ற சந்தர்ப்பத்தில் வாகனத்தில் இருந்து தூக்கி வீசப்பட்டடோ அல்லது வேறு முறையிலோ விபத்துக்கு உள்ளாகி உயிரிழந்துள்ளதாக தெரிவிக்கப்படுகின்றது.
நேற்று மாலை 5.30 மணிக்கும் 6.30 மணிக்கும் இடைப்பட்ட நேரத்தில் இந்த விபத்து இடம்பெற்றுள்ளதாக தெரிவிக்கப்படுகின்றது.
காயங்களிற்குள்ளான நிலையில் புத்தளம் வைத்தியசாலையில் அனுமதிக்கப்பட்ட பின்னர் நகரசபை முதல்வர் உயிரிழந்தார்.
மரணம் தொடர்பில் பொலிஸார் பூரண விசாரணை ஒன்றை ஆரம்பித்துள்ளதாகவும் அவர் தெரிவித்துள்ளார்.
