காட்டு யானையைத் தாக்கும் நோக்கில் பொறி துப்பாக்கி அமைத்ததுடன், அனுமதிப்பத்திரமற்ற துப்பாக்கி வைத்திருந்த நபருக்கு 3 இலட்சத்து 10 ஆயிரம் ரூபாய் அபராதம் விதிக்கப்பட்டுள்ளது.
கஹட்டகஸ்திகிலிய பிரதேச செயலகப் பிரிவிலுள்ள கொக்கேபே வனப்பகுதியின் எல்லையில் கடந்த ஒக்டோபர் 24ஆம் திகதி வனவிலங்கு அதிகாரிகள் மேற்கொண்ட ரோந்துப் பணியின்போது சந்தேகநபர் கைது செய்யப்பட்டார்.
தனியார் காணியொன்றின் எல்லையில் காட்டு யானையைத் தாக்கும் நோக்கில் பொறி துப்பாக்கி அமைக்கப்பட்டிருந்ததாக வனவிலங்கு பாதுகாப்புத் திணைக்களம் தெரிவித்துள்ளது.
இதன்போது துப்பாக்கியைக் கைப்பற்றிய அதிகாரிகள், சந்தேகநபரையும் கைது செய்து, ஒக்டோபர் 25ஆம் திகதி கஹட்டகஸ்திகிலிய நீதவான் நீதிமன்றத்தில் ஆஜர்படுத்தினர்.
இதனையடுத்து, சந்தேகநபருக்கு நீதிமன்றம் 310,000 ரூபாய் அபராதம் விதித்து உத்தரவிட்டுள்ளது.
