விமானம் ரத்தானதால் ஆன்லைன் மூலம் ‘ரிசப்ஷனில்’ பங்கேற்ற புதுமண ஜோடி

Date:

இண்​டிகோ விமானம் திடீரென ரத்து செய்​யப்​பட்​ட​தால் புதுமண ஜோடி திருமண வரவேற்​பில் ஆன்​லைன் மூலம் கலந்​து​கொண்டது வைரலானது.

பெங்​களூருவை சேர்ந்த மென்​பொருள் பொறி​யாளர் மேதா சாகருக்​கும் (29) ஒடி​சா​வின் புவனேஸ்​வரை சேர்ந்த சங்​கமா தாஸ் (26) என்ற பெண்​ணுக்​கும் கடந்த நவம்​பர் 23-ம் தேதி புவனேஸ்​வரில் திரு​மணம் நடை​பெற்​றது. கடந்த 3-ம் தேதி கர்​நாட​கா​வின் ஹுப்​பள்​ளி​யில் புதுமண தம்​ப​தி​யின் திருமண வரவேற்பு நிகழ்ச்​சிக்கு ஏற்​பாடு செய்​யப்​பட்​டது.

இதற்​காக மேதா சாகரும் சங்​கமா தாஸும் கடந்த 2-ம் தேதி புவனேஸ்​வரில் இருந்து பெங்​களூரு வழி​யாக ஹுப்​பள்ளி செல்​வதற்​காக இண்​டிகோ விமானத்​தில் முன்​ப​திவு செய்​தனர். முதலில் விமானம் 6 மணி நேரம் தாமதம் என அறிவிக்​கப்​பட்ட நிலை​யில், நீண்ட காத்​திருப்​புக்​குப் பிறகு விமானம் ரத்து செய்​யப்​பட்​ட​தாக அறிவிக்​க‌ப்​பட்​ட‌து. இதனால் புதுமண ஜோடி​யால் திட்​ட​மிட்​டபடி ஹுப்​பள்​ளிக்கு செல்ல முடிய​வில்​லை.

இருப்​பினும் அங்​குள்ள உறவினர்​களும், நண்​பர்​களும் மண்​டபத்​தில் குவிந்​தனர். இதையடுத்து மணமக​னின் தந்தை சேகர் தாஸ் சாகர், புதுமண ஜோடிகளை ஆன்​லைன் மூல​மாக திருமண வரவேற்​பில் பங்​கேற்​கு​மாறு கூறி​னார். உடனடி​யாக மண்​டபத்​தில் பெரிய அளவில் 2 திரைகள் அமைக்​கப்​பட்​டு, ஆன்​லைன் வீடியோ கான்பரன்​சிங் மூலம் புதுமண ஜோடிகள் தங்​களின் திருமண வரவேற்​பில் புத்​தாடை அணிந்து பங்​கேற்​றனர்.

மணமக்​களுக்​காக போடப்​பட்​டிருந்த இருக்​கை​களில் அவர்​களது பெற்​றோர் அமர்ந்து சடங்​கு​களைச் செய்​தனர். இதை தொடர்ந்து மணமக்​களை உறவினர்​களும், நண்​பர்​களும் ஆன்​லைன் மூல​மாக‌ வாழ்த்​தினர்.

திரை​யில் தோன்​றிய மணமக்​களு​டன் உறவினர்​கள் நின்​ற​வாறு புகைப்​பட​மும் எடுத்​துக்​கொண்​டனர். ஜிபே, ஃபோன் பே போன்ற செயலிகள் மூல​மாக மொய் பணம் அனுப்​பியதுடன், இன்​ஸ்​டா​மார்ட், பிளிங்க்ட் இன் போன்ற செயலிகள் மூலம் பரிசு பொருட்​களை ஆர்​டர் செய்து அனுப்​பினர். இந்த திருமண வரவேற்​பின் வீடியோ காட்​சிகள் சமூக வலை​தளங்​களில்​ வெளி​யாகி, வைரலாகி​யுள்​ளன.

spot_imgspot_img

More like this
Related

வரி மதிப்பீட்டாளருக்கு 16 வருட சிறைத்தண்டனை

இலங்கை உள்நாட்டு இறைவரித் திணைக்களத்தில் மதிப்பீட்டாளராகப் பணியாற்றிய ஒருவர், தொழிலதிபர் ஒருவரிடமிருந்து...

புலிகளின் சின்னங்களின்றி உயிரிழந்தவர்களை நினைவுகூரலாம்!

தடை செய்யப்பட்ட அமைப்புகளின் அடையாளங்களையோ அல்லது சின்னங்களையோ காட்சிப்படுத்தாது, உயிர்நீத்தவர்களை நினைவுகூரும்...

வரவு செலவு திட்டத்தின் 2ஆம் வாசிப்பு 97 மேலதிக வாக்குகளால் நிறைவேற்றம்!

2027 ஆம் ஆண்டிற்கான வரவு செலவுத் திட்டத்தின் இரண்டாம் வாசிப்பு, 97...
spot_imgspot_img
spot_imgspot_img

பரபரப்பான செய்திகள்