சனிக்கிழமை (ஓகஸ்ட் 9), நள்ளிரவு 12:45 மணியளவில், இலங்கையைச் சேர்ந்த 54 வயது நபர் ஒருவர் சுவிஸின், லங்காஸ்ஸில் நடந்த வன்முறை சம்பவத்தில் கொல்லப்பட்டார்.
40 வயது இத்தாலிய குடியுரிமை கொண்ட இலங்கை நபர் ஒருவர் பலத்த காயங்களுடன் மருத்துவமனைக்கு கொண்டு செல்லப்பட்டு கைது செய்யப்பட்டார்.
நள்ளிரவு 12:45 மணியளவில், அவசர அழைப்பு மற்றும் செயல்பாட்டுக் கட்டுப்பாட்டு மையத்திற்கு மூன்றாம் தரப்பினரிடமிருந்து லங்காஸ்ஸில் உடல் ரீதியான தகராறு நடப்பதாக பல தகவல்கள் கிடைத்தன.
சிறிது நேரத்திலேயே காவல்துறை ரோந்துப் படையினர் வந்து, வெட்டுக்களுடன் படுகாயமடைந்த இருவரைக் கண்டனர்.
இலங்கையைச் சேர்ந்த 54 வயது நபர் கடுமையான காயங்கள் காரணமாக சம்பவ இடத்திலேயே இறந்தார். 40 வயது நபர் துணை மருத்துவர்களால் பலத்த காயங்களுடன் மருத்துவமனைக்கு கொண்டு செல்லப்பட்டு அங்கு கைது செய்யப்பட்டார். இருவரும் செயிண்ட் கேலன் மாகாணத்தில் வசிக்கின்றனர்.
உயிரிழந்தவர் மட்டக்களப்பை பூர்வீகமாக கொண்டவர். சுவிஸில் சில தசாப்தங்களின் முன்னர் ஈழத்தமிழர்கள் மத்தியில் இயங்கிய பாம்பு குழு என்ற ரௌடி குழுவில் அங்கம் வகித்தவர் என்று அங்குள்ள தமிழர்கள் கூறுகிறார்கள்.
கைதானவர் கண்டியை சேர்ந்த முஸ்லீம் நபர். அவர் இத்தாலிய பெண்ணொருவரை திருமணம் செய்துள்ளார்.
