கொழும்பில் இருந்து ஹப்புத்தளை நோக்கி டீசல் ஏற்றிச் சென்ற எண்ணெய் பவுசர் ஒன்று இன்று (06) அதிகாலை 2.30 மணியளவில் ஹல்துமுல்ல பத்கொட பிரதேசத்தில் வீதியை விட்டு விலகி வீடொன்றின் மீது விழுந்து விபத்துக்குள்ளானதாக ஹப்புத்தளை பொலிஸார் தெரிவிக்கின்றனர்.
பவுசர் கவிழ்ந்ததையடுத்து, அதில் இருந்து கசிந்த எண்ணெயை, அப்பகுதி மக்கள் சேகரித்தனர்.
ஐந்து பேர் உறங்கிக் கொண்டிருந்த வீடொன்றின் மீது பவுசர் விழுந்ததுடன், அவர்கள் படுத்திருந்த அறை சேதமடையாமல் தப்பித்ததாக பிரதேசவாசிகள் தெரிவித்தனர்.
ஓடிக்கொண்டிருந்த பவுசரை சாரதியால் கட்டுப்படுத்த முடியாமல் விபத்து ஏற்பட்டிருக்கலாம் என சந்தேகிக்கப்படுவதாக பொலிஸார் தெரிவிக்கின்றனர்.
