முன்னாள் அமெரிக்க ஜனாதிபதி டொனால்ட் ட்ரம்ப் கைது செய்யப்படுவாரா என்ற கேள்வியுடன் பலரும் காத்திருக்கும் நிலையில்,ட்ரம்ப் கைது செய்யப்படுவது, குற்றப்பத்திரிகை தாக்கல், தடுப்புக்காவலில் வைக்கப்பட்டதாகக் கூறப்படும் படங்கள் ஏற்கனவே வைரலாகி வருகின்றன.
ட்ரம்ப் இன்னும் கைது செய்யப்படவில்லையே, எப்படி படங்கள் கசிந்தன என பலரும் குழப்பமடையக்கூடும்.
ட்ரம்பின் கைது எப்படி இருக்கும் என்பதைப் பற்றி AI-உருவாக்கிய நையாண்டித்தனமான படங்களே இப்பொழுது வைரலாகி வருகிறது.
செயற்கை நுண்ணறிவால் (AI) உருவாக்கப்பட்ட படங்கள் சமூக ஊடக பயனர்களால் நல்ல வரவேற்பைப் பெற்று காட்டுத்தீ போல் பரவி வருகிறது, நெட்டிசன்கள் “AI நன்மைக்காகப் பயன்படுத்தப்படுகிறது” என்பதற்கு எடுத்துக்காட்டு என்று பாராட்டுகிறார்கள்.
AI-உருவாக்கிய படங்கள் ட்ரம்ப் பல்வேறு இக்கட்டான நிலையில் இருப்பதைக் காட்டுகின்றன. ஒன்றில், முன்னாள் ஜனாதிபதி பொலிஸாரிடம் இருந்து ஓடுவதைக் காணலாம், மற்றொன்றில், அவர் அவர்களுடன் மோதலில் ஈடுபட்டதாக சித்தரிக்கப்பட்டுள்ளது. மற்றொன்று அவர் படைகளால் அழைத்துச் செல்லப்படுவதை சித்தரிக்கிறது.
தொழிலதிபர், முன்னாள் ஜனாதிபதி டொனால்ட் ட்ரம்ப், ஆபாச நட்சத்திரத்திற்கு பணம் செலுத்தியதாகக் கூறப்படும் சம்பவம் தொடர்பில் கைது நடவடிக்கையை எதிர்கொள்கிறார். அவர் கைது செய்யப்பட்டால், தற்போதைய அல்லது முன்னாள் அமெரிக்க ஜனாதிபதிமீது கிரிமினல் வழக்கு தொடுக்கப்படுவது இதுவே முதல் முறையாகும்.
ஆபாச அழகியுடன் உல்லாசமாக இருந்த சம்பவத்தை ஜனாதிபதி தேர்தல் காலத்தில் பகிரங்கப்படுத்தாமல் இருக்க ஆபாச அழகிக்கு ட்ரம்ப் பணம் வழங்கினார்.
ஆபாச நட்சத்திரமான ஸ்டோர்மி டேனியல்ஸ் என்ற ஸ்டீபனி கிளிஃபோர்ட்க்கு 130,000 டொலர் பணம் கொடுத்ததாக சர்ச்சை கிளம்பியுள்ளது. ட்ரம்பின் 2016 ஜனாதிபதி தேர்தல் பிரச்சாரத்தின் போது டேனியல்ஸுக்கு அம்மாவை வைத்து பணம் கொடுக்கப்பட்டதாக கூறப்படுகிறது.
டிரம்ப் இந்த விவகாரத்தை பலமுறை மறுத்தாலும், ஒரு நடுவர் இந்த வாரம் அவருக்கு எதிராக குற்றச்சாட்டுகளை முன்வைக்க முடியும் என அறிவித்தது.
ட்ரம்ப் கைது செய்யப்பட்டால், குற்றப்பத்திரிகையின் ஒரு பகுதியாக கைரேகை மற்றும் பிற செயலாக்கத்திற்காக அவர் நியூயோர்க் செல்ல வேண்டும்.
கைது எப்படி இருக்கும் என்று செயற்கை நுண்ணறிவு “நினைக்கிறது” என்பது இங்கே:
